ازيك عامل ايه مره تانيه معاك فيصل عبد الواحد و تسجيل جديد من سلسلة ما قل وكفى الحقيقه النهارده هتكلم عن حاجه مفيده لينا بس بشكل مختلف السؤال ده بيجيلى كتير اوى و هو خاص بجزئيه الكارما بس ان شاء الله ربنا يقدرنى و اتكلم عنها فى تسجيل منفصل فى حاجه غير ما قل وكفى هتكلم عنها بشكل تفصيلى لان انتشر لغط عليها كتير اوى و بقت الناس سبحان الله عشان تهرب من جزئيه الكارما دى ناس مثلا عملت حاجات مش كويسه فتهرب منهاا تقول لا انا مش هتعاقب عليها دلوقتى انا هتعاقب عليها فى حياه تانيه انا هعيشها كله عشان نهرب من الاحساس بالذنب بالكارما ده انما الكارما موجوده و الى بتعمله هيجيلك بس الموضوع ده تفصيل تانى فى وقت تانى ان شاءالله
الى هتكلم عنها النهارده متعلق بيها جزئيه الدين اكتر او ازاى بمعنى ادق ازاى اعوض عن الى عملته خاصة بالنسبه للناس الى مثلا توفوا او الناس الى بعدو عن حياتى او الناس الى مبقوش موجودين او سافرو و انا فى وقت من الاوقات غلطت فيهم و مش قادره اطلب منهم ان هما يسامحونى او مش قادره ان انا اوصلهم عشان اقولهم يسامحونى على الذنب الى عملته سواء يعرفوه او ميعرفهوش او الغلط الى عملته فى حقهم الكلام كتير فى الامثله دى بس بأختصار ازاى او اعمل ايه عشان ارحم نفسي او اريح نفسي من جزئيه ان انا عملت حاجه غلط فى حق حد خاصة فى الاخره مش فى الدنيا حل بسيط جدا جدا هينفعك فى الدنيا و الاخره كمان ان شاء الله ببساطه تصدق للشخص ده تصدق انوى ان انت تعمل صدقه بأسم الشخص ده الشخص ده لما انت تتصدق ليه انوى مثلا ان فى يوم من الايام ان الصدقه الى هتعملها دى للشخص الى انت ضريته او غلطت فى حقه او اغتابته او اى كان تصدق لحسابه او تصدق له و انوى انها خاصة بيه و خاصة بالفعل الى انت عملته ده و بس ليه احنا بنعمل كده اولا مش عايز اتكلم فى حزءيه الطاقه كتير لانى لو قعدت اتكلم عنها ممكن نعدى النهارده ساعه الجزيئه دى بس لكن بأختصار كبير اوى الفعل الى انت عملته ده كفيل جدا يبدل الطاقه الى حصلت دى ولوبشكل بسيط و هتلاحظ ان شاء الله الاهم عندى مش الدنيا الاهم الاخره و عارفين ان الاخره ان شاء الله مافيش نقود ولا فلوس الا الحسنات فالشخص ده اما يجى يقتص منك على الى انت عملته يلاقى ان انت فعلا طلعت صدقه له او عملت حاجه له صدقنى والله هو يمكن حتى لو سمع الكلام ده ميدركش الكلام ده دلوقتى لكن يوم القيامه هيشكرك على الصدقه دى لان وقتها هى دى العمله الى موجوده الى هترفع من قدره الى ممكن تدخله الجنه او لا قدر الله تدخله النار فالمهم اديه حاجه هتنفعك دنيا و اخره و هتنفعه دنيا و اخره بأختصار فى حد انت ضريته سواء يعرف او ميعرفش و خرج من حياتك و مش قادر توصله حاجه بسيطه اوى و دى حاجه موجوده فى دينا بس انا عايزك انت تدور فى الدين و تدور فى الصدقه للغير والكلام الجميل ده كله موجوده فى دينا ببساطه اوى تصدق للشخص ده انوى ان انت تتصدقله على الفعل الى حصل منك نحيته ده و ان شاء الله ربنا يتقبل منك ويغفرلك و يغفرله و كل يوم عايز أكد عليك انك ان شاء الله تبقى مواصل فى الحفظ و الصلاة الى اتفقنا عليه خلاص داخلين على 10 ايام الاخارى معدش غير يمكن يومين تقريبا فخدها يوم يوم زى ما قولتلك و اشوفك ان شاء الله و تسجيل جديد من ما قل وكفى
فيصل عبد الواحد