بسم الله
السلام عليكم و رحمة الله و بركاته
ايه الاخبار ؟
الصوت تمام ؟
و عليكم السلام و رحمة الله و بركاته
الناس بتسمعنا منين ؟ اليوتيوب ولا الموقع ؟ اليوتيوب
طيب حابب اتأكد من حاجه ممكن نستخدم الموقع هاكتبه اهو جربو اسمعو من عليه لو فى حاجه فى الصوت او مشكله ولا كل حاجه تمام ممكن نجرب من اللينك الى كتبته يا جماعه و نشوف ايه الاخبار عليه ؟
الموقع شغال
اليوتيوب احسن علشان نعلق
الموقع تمام يعمل
اوك تمام
تمام نضيف التعليقات فى الموقع
و عليكم السلام و رحمة الله و بركاته
المره الى فاتت مكناش ناويين حاجه وحد سألأ سؤال و اتكلمنا عن العمل بدون وظيفه او مال
النهارده هنتكلم عن ايه ؟
Adel Nnهل اذا تحررت من الخوف سيحدث وفرة في حياتي ؟
هو مش بالترتيب ده لان الجزئين للسؤال يا عادل الجزء ده عامل و الجزء ده عامل لكن لما تتحرر من الخوف احنا بنسبه كبيره يا جماعه زى ما كتبت قبل كده الخوف ايمان لكن فى الاتجاه الى احنا مش حابينه فلما تبطل تخاف هتتعود ان انت تخلق الى انت عايزه
مساء الخير من فضلك يا استاذ فيصل . ايه الفرق بين انسان يقبل المشكله فخلاص هيرتاح نفسيا بس المشكله او المرض هيفضل موجود .. وبين انه لو قبل المشكله هتختفي وتتحل؟ازاي أضمن اني لوقبلت المشكله هتتحل
هو اولا مافيش حاجه بتقول انك لما تقبل المرض المرض هيفضل موجود مقولتش انا كده مش فاكر انى قولت كده خالص لأن محصلش لأ بس الجزء الثانى من السؤال بيوضح احنا بنتعب نفسنا ازاى لما احنا يا جماعه اضمن منين ان هو يتحل ده نفسه نوع من انواعالشك بردو تتحرر منه و تقريبا كلمة تحرر دى لازم اعيد شرحها تانى اتحرر يا جماعه ببساطه ان فى احساس انا ماسكه انا مخزنه مع تحفظى على كلمة تخزينه انا مخليه معايا اتحرر ان انا اطلق الاحساس ده اسيبه يمشي مش امشيه امشيه لو هتفهمها بمعنى تسيبه يمشي ماشي انما امشيه بمعنى اطرده او احاول اخرجه لأ فتقريبا الناس فاهمه كلمة تحرر غلط لأن كلام كتير جدا منتشر عن التحرر غلط تحرر يعنى انا ماسكه انا برفضه فانا بطلقه فالخوف ان الهدف مش هيتحقق الى باين فى السؤال ده نفسه اطلقه
وصلت يلى سألت السؤال ؟
و عليكم السلام و رحمة الله و بركاته يا نسرين
اخى فيصل مع معنى تقوى الله و كيف اكون من المتقين ؟
ببساطه و بسلاسه يعنى انك تعمل حساب لله هو ده معنى التقوى تعمل حساب لله بس
كيف اكون من المتقين فى آيه انا كنت قولتها بس مش متذكرها بصراحه ثوانى هاجيب الآيه بالظبط عشان اقرأها
واضح ان البحث هياخد وقت لو حد حافظ الآيه يكتبها علشان مش حابب التفت عن الأسئله يعنى ففى آيه اخرها هم المتقون ربنا عدد صفاتهم و قال ان هما دول المتقون لكن ببساطه هى انك تعمل حساب لربنا
ما هو احسن هدف يمكن الأنسان يشتغل عليه ؟
يكتشف حريته بحب الكلمه دى جدا و على فكره فى فرق بين انك تكتشف حريتك و انك تكتشف ذاتك اما تكتشف حريتك ده هيبقى دافع ليك انك تكتشف ذاتك
ممكن تدعيلى اخد كل كورساتك
حاضر يا شيماء ربنا يوفقك و تاخدى كل كورساتى و تفيدى نفسك بيها
عايزين سؤال كده يا جماعه يفتح موضوع لحد دلوقتى مافيش
هل للتواكل وجود ؟
قصدك التواكل الى هو الكسل او التكاسل اه موجود بس لو شوفناه هنلاقيه فى حقيقته ان الانسان وصل لليأس ان مافيش حاجه هتحصل بيخلق ان عمرها ما هتحصل
ربنا يشفيكى يا رؤى
أسمهان أسمهانآية لا تستطيع معايا صبرا لو سمحت شرح الآية
ناخد السؤال الأول بتاع الفاتحه بصوا يا جماعه لما انت بتعمل اى عمل صالح مش بس قرأن الفاتحه اما بتعمل عمل صالح و تهبه لحد و خاصة الأموات اه بيحسوا جدا كمان لما بتقرأ بقى الفاتحه دعاء و الأموات بالذات سابو الدنيا و ميقدروش يعملوا حاجه فيها و مش كل الأموات كده فى استثناءات فمعظم الأموت انقطعو عن الدنيا الدعاء بيكون لهم اقوى فلما انت بتهب الدعاء ده لسيدنا محمد كأنك بتصلى عليه اما اصلى على حد اما معنديش مشكلة خالص اقول اللهم صل على أبى مثلا و ممكن جدا اقول على ابى عليه الصلاة و السلام اصلى على حد يعنى بدعى ربنا يرفعه درجات و سلم عليه يعنى ببعتله السلام يارب وصله منى السلام
انا معنديش مشكله ان اقول ستنا عائشه اللهم صل و سلم عليها سيدنا على اللهم صل و سلم عليه سيدنا ابو بكر اللهم صل و سلم عليه و طبعا سيدنا محمد اللهم صل و سلم عليه مافيش مشكله خالص لأن فى ناس بتقول شوف قال على سيدنا على اللهم صل و سلم عليه يبقى شيعى شوف قال على ستنا عائشه طيب اللهم صل و سلم عليها و على سيدنا الحسن و الحسين و سيدنا ابو بكر و سيدنا عمر و سيدنا ابو بكر و سيدنا عثمان و على والدى ايه المشكله انا بدعى ربنا انه يرفعهم درجات و يوصلهم منى السلام
فلما انا بقرأ الفاتحه و اهبها لحد العادى بتفيده فى حد بيبقى عنده لازم يردلك الكرم ده انت اديته كرم سيدنا محمد عليه الصلاة و السلام و الماسترز عموما بيحبوا يردو الكرم ده بكرم اكبر لما بتكتشف حريتك او حقيقتك او اى كان بتحب ديما تكافىء الناس بالأحسن فلما انت بتبعت كرم سيدنا محمد مثلا هو بيحب يردلك الكرم ده مضاعف لذلك ناس كتير قالت ان الصلاة على النبى عليه الصلاة و السلام ليها فضل و انا حابب اعمل تجربه مع الناس لأن فى ناس لما بتسمع سيرة سيدنا محمد انا فاكر الكلام ده اتقالى شخصيا فبلاش سيدنا محمد جرب تصلى و تسلم على حد انت شايفه ماستر بس يكون توفى يكون مات و شوف أثرها فى حياتك ... و جرب لما تشوف أثرها فى حياتك جرب تصلى و تسلم على سيدنا محمد و شوف أثرها فى حياتك بردو اعمل التجربه دى
Asoo Al Awwadطيب الحب فقط يوصل لهم ؟؟
اه طبعا
ماهو سحر الربط ؟
انا قولت يا جماعه ان الحاجات الى متاخده كوبى بست مش هجاوب عليها احتراما للناس التانيه و كمان موضوع الربط اتكلمنا عنه فى امسية الغيبيات يا حسين
Abdullmajeed •هل يوجد حبل طاقي بين بعضنا
يا جماعه انتو بتسألو عن حاجات خاصه بناس تانيه يعنى بصوا انا جيت كنت فتره بدرب الكلام ده ان فى حبل بينك و بين الناس و موجود و اذا انت عايز تشوفه موجود و اذا عايز تقطعه بيبقى موجود على فكره و اذا فى اجهزه هتشوفو جميل اذا حابب تستخم الطريقه دى ليا فيديو اسمه فراق الحبيب شغال على الطريقه دى و بحذر الناس انها تسمعه لأن نتايجه قويه جدا مش مجرد انك اتخاقنتى مع جوزك تعمليه لانه بيحل المشكله من جذورها لأن ممكن بعد الفيديو ده يحصل طلاق و بعدها تشوف بقى خير و كده بس خلى الفيديو ده موجود على الويب سايت و كمان فريق العمل خليه الحل الأخير بعد التحرر و بعد الجهود الخارجيه و الجهود الداخليه تعمل الفيديو ده لأن انا جربته انا عاملها متعلمتهاش من حد على فكره و اذا صادف انها فى فيديو تانى يبقى متدرب عندى يا اما صدفه شاء الله لها ان تحدث انما انا مش واخده من حد لما ربنا فتح عليا بيه و عملته م عذلك لما عليت عليه و عملت حاجات اعلى بقيت بردو بقولها للناس
يوسف بيقول كلنا هنروح نسمعه
بالمناسبه اذا عملته على مشكله بينك و بين مديرك فى الشغل وارد جدا يا اما انت تمشي من الشغل يا اما يحصله مشكله فى الشغل متستخدموش الفيديو ده الا عند الضروره يعنى
That’s enoughده جامد جدا .. طيب مفيش حاجه لفراق الناس اللى مش بنحبها
هو اصلا لكده معمول على فراق الناس الى مش بنحبها
فراق الحبيب
طيب ثوانى اجيبلكم او افتحوا الموقع بتاعى اهو
Creative Onlinehttps://creative-online.net
انزلو تحت خالص هتلاقو مكتوب فراق الحبيب
الله ده انا هطفش العالم
لا بصوا يا جماعه مننويش نيه سيئه علشان بقول ان الفيديو ده يبقى اخر وسيله لو ناوى نيه سيئه هتترد فيك انت انا بقول اهو عشان محدش يجى بعد كده يقول مش عارف ايه
هسمعه كل يوم لحد ما اخلص منهم كلهم
طيب الى حابب يقطع بس التعلق بدون طلاق او غيره
خلاص فى حاجات كتير جدا عملنها لغير الفيديو ده
النيه سيبونى فى حالى .... طيب خلاص اوك
بس يا جماعه لما نعمل الفيديو ده ميبقاش عندنا احساس بالذنب بلى هيحصل لأن فى ناس زى ما انت بتقول مش عايزين يسيبوك فى حالك و زى ما بتقول بيضروك و يأذوك و لما الأذى ده بيترد عليهم هما و بتشوفه ساعات فى ناس بتأنت نفسها ولو أنبت نفسك هترجع تانى المشكله تحصل
بلاش الفيديو ده يا جماعه بلاش تسمعوه
عمل مصايب الفيديو ده .....
انا كتبتلك الآيه يا استاذ فيصل .. مخدتش بالى انا آسف
ناخد سؤال ايه تانى ؟
افتح اللينك عشان ناخد
ده لينك جلسة تحرر للتعلق ده مش لينك فراق الحبيب
Abdullmajeed •فراق حبيب مش شغال
غريبه ازاى ؟ طيب نجيب رابط فراق الحبيب
ناخد سؤال يا جماعه ....
هل الصيام ينظف الجسم طاقيا ؟
اه جدا كمان بس طاقيا دى عشان بس فى كلام فيها خاطيء كتير مش عارف ينفع اقول ولا لأ الناس هتفهمها غلط ما علينا .. بس هو اه بيفيد الجسد جسديا و ( طاقيا )
الله يخليك يا راضي
هل الصلاة على النبى لغرض ما تعتبر شرك ؟
لا اله الا الله لا طبعا يا سهام انا مره كنت مع واحد كان مدرب و ماشي معاه كنا فى العربيه بتاعتى و اما عرف انى جبت عربيه لا لازم اشوفك و كده فجت سيرة الشيخ الشعراوى الله يرحمه فقالى على فكره يا فيصل الشيخ الشعراوى لو مات من غير ما يتوب فهو مشرك و كافر و فى النار قولتله الشيخ الشعراوى كافر و مشرك و فى الناس قولتله ليه يا عم قالى علشان بيتكلم على عبادة القبور و التوسل بالأولياء و التوسل بالنبى و الحاجات دى انا ممكن اكلم بالأدله والله دليل دليل
بالمناسبه يا جماعه انا دارس قانون و القانون عندنا فى مصر فيه شريعه اسلاميه كل سنه و من ضمن السنين اصول فقه و كنت شاطر جدا فى اصول الفقه الاسلامى غير اجتهادى و انى بدور بحكم ان انا مسلم فبقرأ فى دينى و بحكم ان الواحد ربنا فتح عليه فبيتعلم من نفسه و من ربنا
لكن انا هلخصلكم حاجه و انا أسف بس هى لازم تتقال مينفعش حق ربنا عرفهولى و تيجى فرصه اقوله و اعمل حساب زعل الناس الموضوع مش أدله يعنى انت الأدله فى ناس كتير جدا ردوا عليها و بادله مقنعه جدا رد ان كان فى صحابه بيتوسلو برسول الله و سيدنا رسول الله قالهم كده و رد ان هو بعد ما مات توسلو بعمه يعنى الأدله كتير لكن الموضوع ان و انا مش هاقول اسامى عشان او يعنى مستفزش غضب الناس و فى نفس الوقت ماخدش ذنب غيبه لكن الموضوع بدأ ببساطه ان فى ناس كرهوا سيدنا محمد و انا بتكلم على فكره مش بتكلم عن ناس من ديانات تانيه بتكلم على ناس شايفين ان هما مسلمين
فى ناس شايفين ان هما مسلمين بس كرهوا سيدنا محمد لان سيدنا محمد عليه و على آله و السلام اما تذكر امامه قبيله او مكان او مدينه كانوا .. كان سيدنا محمد عليه الصلاة و السلام بيدعيلهم الا مدينه واحده رفض يدعى لها منطقه رفض يدعيلها و قال يخرج منها قرن الشيطان كلما قطع خرج منها فمدينه هو رفض يدعيلها فالمدينه دى او القبيله دى كرهوا سيدنامحمد عليه الصلاة و السلام ولعياذ بالله فبقوا يكرهو اى حد يتوسل بيه فى عصبيه قابليه عند العرب احنا عرب و عارفين الى كانت مفيده جدا فى حالات العربى كان معروف عنده عصبيه انه ينصر حد يستنجد بيه و دى حاجه صفه حميده فى العصبيه القبليه انى انصر الى يستنصرنى و انصر الضعيف و انصر المرأه و الكلام ده لكن اشتدت بقى العصبيه دى ولما حد كره سيدنا محمد عليه الصلاة و السلام توارثت بقى قبائل فى المنطقه دى او المدينه دى كره سيدنا محمد و لعياذ بالله و بقوا يكرهوا حتى للأسف جم فتره و هدوا بيت رسول الله حتى لو مش هما الى هدوه حتى لو مش بشكل مباشر و كانوا عايزين كمان ان هما يمنعوا الصلاة فى مسجد رسول الله و يمنعوا ان انت تصلى على سيدنا محمد لغرض ما و يمنعوا ان انت تحب آل رسول الله فالموضوع مش مشكله بين شيعه و سنه لا انا عايز الشيعه و السنه يفوقوا من الحكايه دى هما فى صراع هما مالهمش ذنب فيه انا اسف انى بتكلم على جزئيه دينيه مش موضوعى بس الموضوع ان فى ناس و فاكره نفسهم مسلمين شايفين و لعياذ بالله و الله اعلم قد اكون خطأ ان هو رسول جابلهم رساله و ان هما آمنوا بيها بس بيكرهوا الرسول ده فأزاى يعنى
المدينه مش حابب اقولها علشان محدش يزعل لأن لسه موجود العصبيه القبليه لسه موجوده لحد دلوقتى لانه لو قال مثلا المدينه دى هيحصل فيها كذا ده علم ربنا فتحه عليه ماقلش انا بكره المدينه دى و مش معنى كده ان كل الى فيها غلط لا معنى كده ان هيحصل فيها حاجه ده مش دليل على ان المدينه دى لازم تكره سيدنا محمد علية الصلاة و السلام و يتوارثوا بقى و يكفر اى حد غيرنا و يكفر الناس اى بتصلى على سيدنا محمد لغرض و الفكره ان هما شايفين نفسهم صح و ان لو ماتو فى سبيل ده شهداء فربنا يهديهم هم خلق من خلق الله ربنا يهديهم يارب
طيب احنا بقلنا نصف ساعه اهو ناخد سؤال كمان ولا حاجه ؟
هل يغضب الله على النساء الغير متحجبات ؟
كلمة يغضب الله دى كلمة كبيره اوى و الشيخ الى يقول يغضب الله على حد لازم يكون راجع نفسه اوى و عنده ادله يعنى شخص او عالم دين او شيخ يقول يغضب ربنا على فلان لازم يكون عنده دليل لان ديما انا المعيار بتاعى اذا ربنا لا قدر الله مستاجبش دعوتى و اختار انه يحاسبنى اما يسالنى انت عملت كده ليه اقوله يارب علشان دليلى كان كذا و كذا لذلك انا أجمل آيه فى القرآن بحبها تخيلوا كده ايه اكتر آيه بحبها فى القرآن رغم ان عمر ما حد يتخيلها ؟؟
الى هيقولها صح هديله هديه .....
.................... لا محدش قالها خلاص هاقول بقى عشان فى ناس ممكن تيجى بعد شهور تقول ان اعرفت الأيه انا عايز الهديه هاقول الآيه يا جماعه خلاص
" و أن ليس للأنسان إلا ما سعى "
ايه ده معقول دى الآيه دى الناس كتير جدا فى ناس لما تيجى عايزه تكذب قانون الجذب او التحرر تدينى الآيه دى و كأن ادتنى دليل مش هعرف ارد عليه لا احنا فاهمين الآيه دى غلط جدا و ان ليس للأنسان الا ما سعى معناها احنا مش هنطالبك بالنتيجه مش هنحاسبك انت وصلت لنتيحه ولا لأ احنا هنحاسبك على نيتك و اجتهادك الى انت عملته فى سبيل قناعتك انما مش هناحسبك على النتيجه و ان ليس للأنسان الا ما سعى
فربنا اذا جه سألنى و قرر انه يحاسبنى مثلا يعنى نفترض انت ليه قولت للناس ان فى حاجه اسمها قانون جذب هاقوله يارب اول حاجه هاقولها كده و إن ليس للانسان الا ما سعى يارب انت ورتنى و علمتنى ان انا بخلق بأذنك الى انا عايزه و الى انا بفكر فيه فانا شوفت فعلا انى بجذب و بخلق فأنت الى ورتنى و انت الى علمتنى و كمان سهلتلتى اعلم الناس فده سعى و ان ليس للانسان الا ما سعى فانا مش مطالب بنتيجه ده الى فهمته يارب من الآيه فأنت الى هتديهونى و هتكأفنى عليه الى انت ورتهونى مره و اثنين و ثلاثه و جربت مع نفسي كتير و جربت مع غيرى كتير و كان فعلا بيثبت الى انا كنت مصدقه وقتها فانا مجهز رد لربنا لو قرر يحاسبنى يارب ميحاسبنيش و يدخلنى الجنه بدون حساب آمين
نرجع للحكايه لأن ديما موضوع الغضب ده ان ربنا غضب على فلانه انا ديما معيارى ان اذا وقفت قدام ربنا و حاسبنى على الكلمه دى اذا جه قالى يا فيصل انت حكمت ازاى ان ان ا غضبان على فلانه و ان امعييش دليل اقوله إيه فانا بستعجب الناس الى بتتعجل فى التكفير و توزيع غضب ربنا ... سبحان الله
maram majarسؤال جذب هدف مستواه عالي نفس الشي لجذب هدف هادي؟؟؟
اه هو نفس الشيء مع انك تتحرر من قناعه ان هو حاجه عاليه
اخر سؤال ...
الناس الى سألت على ... اه بالمناسبه يا جماعه امسية الأهداف بقت كورس الأهداف رغم انى ماكنش ناوى خالص انا الامسيات ميال ليها الفتره الاخيره عشان هى مش كورس لكن ان شاء الله بقت كورس و كورس مركز جدا كمان على موضوع الأهداف و مش هتكلم فيه عن الى قولته فى كورس حقيقة قانون الجذب كورس حقيقة قانون الجذب اتكلمت فيه عن حاجات الحاجات الى هتلكم عنها فى فى كورس الأهداف الجديد مختلفه خالص و جديده بأذن الله ربنا يسرلى و متكلمش عن حاجات اتكلمت عنها قبل كده لأن ديما لما كورس بعمله بسيب ربنا يختار لى محتوياته يعنى فهتبقى مختلفه خالص و رقم فريق العمل اهو
Creative Onlineرقم فريق العمل التواصل واتس آب 00201008959584
للتواصل للدفع مع فريق العمل فى طرق دفع كتير جدا فى باى بال و فى اتوماتيك على طول للدول الى مافيش فيها باى بال و فى طرق دفع كتير جدا بفضل الله لينا وكلاء فى دول كتير
ناخد سؤال كمان اخر سؤال
Yasmeen Ghannamفيك تعمل عرض خاص عالكورس
كان فى فعلا عرض خاص على كورس بس خلص يا ياسمين اسفين يعنى انا بحب اعمل عروض خاصه للناس بس خلص
اخر سؤال ... ...
ازاى ممكن اشوفك فى رؤيه ؟؟
حاجتين تحبنى و تثق فى كلامى انا ديما بقول يا جماعه محدش يصدق كلامى و محدش يكدبه و جربوه بس عايز فعلا تشوفنى تصدقنى و تصدق ان انا ممكن افيدك بأذن الله هتشوفنى
خلاص نكتفى بده
حلمت بيك على فكره
جميل يا ساره
خلاص نكتفى فى ناس عندها التزامات انا اسف و اشوفكم ان شاء الله فى كورس الأهداف
السلام عليكم و رحمة الله و بركاته