السلام عليكم و رحمة الله و بركاته
ايه الاخبار ؟ ايه اخبارنا كلنا؟
ازيك يا عبير؟ ازيك يا محمد ؟ ازيكم كلكم
و عليكم السلام و رحمة الله و بركاته
ايه اخبارنا النهارده
وعليكم السلام و رحمة الله و بركاته
شيماء ربيعه : انا مبسوطه جدا ... و انا مبسوط انك مبسوطه يا شيماء
احلى هدية عيد ميلاد ... اه بكره عيد ميلادى فعلا بس هو ربنا الى مرتبها مش عاملها عشان عيد ميلادى يعنى
ثانيه واحده .......
الله يخليكى يا فاطيما
سلام عليكم اول مره احضر لايف : نورت يا محمد الصاعق
ايه اخبارنا كلنا
اللايف تبع حضرتك هو شفاء بحد ذاته .... الفضل لله يا شيماء فعلا الفضل لله وحده
ايه اخبارنا ؟ عاملين ايه
بالمناسبه فى تعليق جميل على الفيس بوك عايز اقرأه بيقول كانت بنت غير الى احنا جبنا صور الحلق الدهب بتاعها بنت تانيه كذا واحده بصراحه يعنى بس البنت دى بالذات ماشيه على التحدى الى عملناه فى رمضان و سافرت كانت عايزه تسافر فسافرت و كان بردو عندها مرض ربنا شفاها الحمدلله شفيت و فى بنت بردو الى هى لارا من الأردن بردو بتقول انا ماشيه معاك يعنى تجارب كتير جدا ماشاء الله
مين ماشي على التحدى ليه ؟
سعيده انى بحضر لايف لأول مره و تكون على قناتك ..... الحمدلله يا اتس اينف الحمدلله
و انتى بألف خير يا عواطف
و عليكم السلام و رحمة الله و بركاته
وجودك فضل فى حياتى كثير : الفضل لله وحده يا شهد الحمدلله و الفضل لله
انا لسه اكتب خروج جسد فيه ؟
مش على طول خروج الجسد اتكلمنا عن الخروج من الجسد كتير يا ميرو
التحدى انا كل مره بوضحه يا جماعه تقريبا وضحناه كتير اوى ارجعوا للايفات الى فاتت
السلام عليكم و رحمة الله و بركاته ازيك يا اسماء عامله ايه ؟
شكرا لانك معنا فيك شفاء .... الحمدلله الفضل لله وحده
بالمناسبه يا جماعه فى حاجه مهمه انا ديما فى كورساتى المدفوعه و حتى الحاجات الى مبسمحش انها تشارك يعنى حتى كورس المدفوع واحد دخل دفع فلوس كورس له الناس الى بتأذينى انا مبتخذش خطوات الى الى بتحاول تأذينى يمكن الخطوه الى بتخذها ان انا بقولهم متتسرعوش فى أذيتى لأن انا عارف و مجرب و شوفت يعنى مثلا كان فى شهر تقريبا شهر 6 الى فات او 8 الى فات فريق العمل عارف بالظبط يعنى كانت بنت كلمت فريق العمل و قالتله خلى فيصل يسامحنى انا خدت منه مبلغ كذا مش هاقول الرقم و من ساعة ما خدته و انا فى امراض انا واهلى
قالولى والله يا فيصل صعبت عليا عيزانى اسماحها عندها امراض و كده فأنا مبتخذش اجراءات لحد بيأذينى لان عارف و غير كده شوفت كتير و بالمناسبه كمأن قرب الناس ليا على اد ما ربنا يقدرنى بقول للناس اوعى تأذينى مبعملش كده و عايش حياتى بشكل طبيعى الا اذا ربنا آراد خلاف ذلك فمتعود ان الى بيأذينى او بيعمل حاجه تزعلنى انا عارف ان ربنا كده كدهحقى بيجيبه
المقدمه الطويله دى كلها ليه ؟
انا فى كورساتى المدفوعه بقول لا اسمح و لا اسامح اى حد ينشر حاجه لحد مدفعش فلوسها ففى حد كان بعتلى انا حتى هحط اسكرين شوت و مسحت اسمه و اهى عشان تكون واضحه مش عارف هتبقى باينه ولا لأ لا مش باينه مشكله فى الكاميرا ارجو ان الكلام تقراوه هو الحكايه ان يعنى فى حد عمل حاجه أذتنى و الرساله الى فى النص دى بقى انا كنت بقول لكن حصل أمر لقيت شاشة تليفونى مكسوره و سعرها قريب من ثمن الجلسه يمكن 120 دولار فالمهم مش ده الجزء المهم و الأمثله كتير والله بس فى نقطه مهمه ان انت ديما متوقعنى متسامح ليه ؟ لان هى حطانى فى قائمة الماسترز المتسامح و فى رحمه و حب و ديما بيسامح لأ الماستر الى متحرر من كل القوائم الماستر الى عنده حريه يسامح او ميسامحش ده الماستر
انما الى يسامح عشان الناس حاطينه فى قالب او ان هو لازم يبان فى منظر المتاسمح ما هو حد نفسه فى قالب متحاولوش تحصرونى فى قالب الماستر انا مبحصرش نفسي فى القالب ده
فالشخص ده انا كتبتله مش مسامحك و انا قولتهاله و معنديش مشكله خالص اقولها قدام الناس لان الشخص ده بالذات كان طلب منى دعوه و دعيتهاله و حصلت بفضل الله فلما تكون حاجه و انت عارف انها غلط و شخص كان ربنا آراد ان الشخص ده ينفعك و ينفعك بدون ما ياخد منك حاجه و انت تضره و تأذيه و تعمل حاجه هو مش عايزها متعتمدش ان هو يسامحك متحطش نفسك عرضه للناس متعملش حاجه تاخد حاجه بتاعة حد و اقول ده هو طيب و هيسامحنى جميل ؟
الناس الى مقرأتش الصوره واحد ببساطه عمل حاجه انا ماكنش عايزها تحصل و انا نبهت عليها خد حاجه مدفوعه ببلاش و انا كنت حذرت من حاجه زى دى و هو نفسه سألنى و قولتله لا دى مسروقه متسمعهاش فهو سمعها و نزلها عنده و سمعها و بعد كده جاى يقولى انا اسف انا نزلتها و سامحنى و سمعتها بس سامحنى فأنا قولتله لأ مش هاسمحك ممكن تبقوا تشوفوا اللايف تانى و توقفوا على الصوره
تمام
من وقت ما حلمت بحضرتك و انا بقيت أعرف انك غالى على ربنا و قبلت تكون مرشدى ايها الرائع ... الفضل لله
فقولتله مش هسامحك لانه طلب منى دعوه و عملتهاله و طلب منى طاقة فيصل و عملتهاله و بفضل ربنا الدعوه اتحققت فى حياته و استفاد فلذلك لما تعمل حاجه انا محذرك منها و قولتلك لأدى سرقه مش مسموح بيها و تعملها و تعتمد ان انا ماستر و هسامح لا انا مش حاصر نفسي فى القالب ده الماستر الحقيقي هو الى عنده حريه يسامح او ميسامحش .. يحب و يكره ... و عارف ان الكره الى بيكرهه ربنا عايزه يكرهه
تانى بكرر الشخص ده ممكن يكون سامع ده دلوقتى لأ انا مش مسامحه و مش مسامح اى حد عمل الموضوع ده
justyou loveفيصل ممكن تتكلم بطريقه جديده عن احقق هدف بسرعه جربت كل الطرق والله . اريد طريقه جديده
فاكرين يا جماعه اللايف الى فات قولنا احنا قولنا حاجه جديده اهو و اللايف الجاى هتطلبوا حاجه جديده بردو ردى عليك اسمعه و اعمله مش عايزين يبقى همنا ان احنا نجرى ورا الحاجات الجديده اسمع التحدى و اعمله
انا بصراحه كنت ناوى اتكلم عن حاجه النهارده بس زى ما سيدنا محمد قال أنسيتها ربنا آراد آنسهالى اذا خير هتيجى لوحدها
ما سر وضع التحدى في الحياه ؟
التحدى ده احسن حاجه جربتها اه والله و بسيط جدا و مافيش فيه تقنيات و مافيش فيه حاجه
اتكلم من عندك من غير ما تاخد اسئله ؟؟؟
justyou loveبالله عليك علمنا سر اجابه الدعاء؟؟؟
السؤال ده من الاسئله الى مبحبش اجاوبها بحب ادى طريق و لو ربنا عايزك هتوصل ليه ؟ الموضوع ده مسؤليه يا جماعه انت ممكن اشوفك تكون قدامى قديس و اعلمك فعلا سر استجابه الدعاء مع الوقت تستخدم استجابه الدعاء دى عشان تأذى حد انت مقتنع ان هو آذلك و ممكن يكون آذلك فعلا مش هاقولك مقتنع ممكن يكون ىذلك بس من احساسك بالقوه و التمكن ممكن يكون آذاك ان هو شتمك تدعى عليه ان يولع هو و بيته انا ليه اتحاسب على حاجه زى دى عشان كده بدى طريق يعنى كتبت في الجروب قبل كده قولت انا بقى الى هسأل سؤال
انت بتعبد ربنا ولا بتعبد او بمعنى اصح بتدعى ربنا و لا بتعبد تصورك عن ربنا ؟؟
كيف احس بالملائكه ؟؟؟
طيب هو نفس الحكايه بس انا هدى طريق هنا طريق كويس لو في شر يارب يوقفه عن لسانى و مقولوش و قبل ما اقوله في تحذير مهم ان مش بس الملائكه الموضوع ده هيفتح عليك كل الكائنات تقريبا و مظنش اننا هنستحمل حاجه زى دى صح ؟
و في حاجه مهمه افتكرتها في بنت كانت بعتتلى رساله على ماسنجر و انا قرأتها انى ادعى لها دعوه و انا قولت لها تم فرجعت كتبت تعليق على اليوتيوب هو التعليق فرنساوى حتى من شكله هجومى باين كده ان في بنت رد عليها بالعربى هو يقصد تم ان هو دعالك فتقريبا كانت كاتبه كلام هو ليه كل الى خدته منك تم بعد ما كتبتلك كذا و كذا اه افتكرت ربنا فكرنى بحاجه مهمه ده خير
ناس كتير يا جماعه بتقولى على مشكله و بعض مش كل بنت بس هى الى اضايقت من لكمة تم و دى معناها ان انا دعيت و اعتبر الموضوع حصل ناس كتير بتقولى على المشكله و عايزينى ادخل المشكله معاها بمعنى حد بيقولى مثلا واقع في حفره و ندهلك مش عايزك تطلعه حرفيا عايزك تنزل معاه الحفره ف طيب ليه انت لما تجيلى بحزن و اقولك معلش بجد ؟ّ! ليه اعيش الحزن عشان انت تبقى مبسوط !!؟ ليه !؟ بيسموه التعاطف باين ؟
لذلك في فرق بين التعاطف و التفهم ففى ناس بتبىق تكتبلى مشاكلها و عايزانى هى بتبيع سلعة ان هى معذبه او ضحيه و عايز ان انا اصدق ده و اشتريه منه انا مبقولوش لأ انت كذا و بتعيش وهم لأ خلاص تم يعنى دعيت لك الدعوه او خلاص اعمل كذا فأنا مبدخلش الحفره مع حد و بردو حاجه جميله في بنت اعرفها طبيبه هى فالبنت دى عندها نفس الحاجه كده زيكو هى طبيبه و انا و هى بنتكلم كتير و بقولها اسرار كتير ربنا بيفتح عليا بيها فبقولها اعملى كذا و كذا و من 3 ايام تقريبا قولتلها حاجه جميله و بسيطه اوى على الموضوع ده و عملتها معاها عملى و اتبسطت جدا و عملناها على حاجه تانيه اتبسطت جدا جدا جينا امبارح بقى عيزانى اشوفلها حاجه و القرار ده صح ولا غلط قولتلها استخدمى الى انتى اتعلميته لا عيزاك انت تشوفلى فرفضت طبعا فهى الفكره في كده لما بلبى حاجات زى دى لما بقول لحد القرار ده صح او القرار ده غلط وبعمل طاقة فيصل او اما بحل مشكله لحد الناس خلاص تعالى يا فيصل حل لينا مشاكلنا و انا معنديش مشكله في ده بس لما اشوفك عملت و اشتغلت و طبقت الى قولتلك عليه ممكن ابقى اعملك على الاقل دلوقتى يعنى لسه عايز اشوف الموضوع ده ان اخلق للناس حاجه تبقى جميله ولا اعلقهم بيا و غالبا بعلقهم بيا
بس المهم انت طبيعى معاك الطريقه و ادتلك طريقه جربها متقعدش كل شويه تقولى عايز حاجه جديده
نرجع لموضوع الملائكه الملائكه يا جماعه هتفتح علينا كائنات كتير احنا اد ده ولا مش اد في بنت كانت بعتتلى بنتها بتشوف كائنات
بصراحه استاذ فيصل بيقولى حاجه بتتم و بتبقى زى القمر زيو والله
الله يخليكى
في واحده كانت بعتلى بنتها بتشوف الكائنات دى و رفضت تطلع معايا
في كائنات متعبه و لما بتعرف ان انت شوفتها او انتى شوفتيها بتعلمك علامه كده عشان بقى صحاب الكائنات دى و الجنس ده يتعبك اكتر و يستفزك اكتر و يعملك كوابيس اكتر و تحس ان انت في بعض الحالات مش في كل الحاجات مستنزف كده و شايف انها هتفتح باب مش الكل ادها 100% بلاش موضوع الملائكه ده النهارده او بلاش خالص
والله واحده بعتتلى في يوم حرام عليك انا كده مش هعرف انام
لا قولت الطريق بتاع الدعاء يا رحاب قولته في الجروب قولت هل احنا بندعى ربنا ولا بندعى تصورنا عن ربنا
حاضر مش هتكلم عن الموضوع ده
استاذ فيصل ادعيه دعاء انت تراه مناسب ليه : اسماء ... دلوقتى ولا بعدين
ساره محمدبس طالما متدخلناش في تخصصات الكائنات دي مفيش منها اذيه
لا مين قال كده يا ساره في كائن قبل كده اتكلمت عنه بس هتكلم عنه تانى بس متقلقوش منه مش موجود في الأرض اصلا ده في السماء الأولى اسمه دراما و دراما ده كده يعنى الناس بقى الى بتعمل خروج من الجسد و مشتاقه اوى تعمله كان في ناس بتقول ايه انا هاعمل خروج من الجسد و اطلع السما و ده تفكيرها المحدود يعنى تطلع بقى دراما بقى شايف النيه هو بيشوف النيه بتاعتك فتطلع كده و هو بقى شكله كبير و ضخم فيقولك انت رايح فين و لعياذ بالله يقول على نفسه انه ربنا ولعياذ بالله في ناس بقى تنزل من الجسد تقول انا شوفت ربنا و هو كائن مستفز متعب اسمه دراما فبس يعنى ده مثال بسيط
انا مستنيك لايف من زمان عاوز من حضرتك تبص علي حياتي وتدنيني نصيحه لدنيتي ولاخرتي
دلوقتى طيب اوك غضبك متطلعوش على حد و مترفضوش و اتعود كده ان انت الى بتغضب انا الى بغضب انا الى ببقى عايز اشتم ده و انفعل و ممكن يكون معاك حق بس اتعود ان انت تختار متغضبش حتى بينك و بين نفسك اتفقنا ؟
القدرات الخاصه ممكن تتكلم عنها ؟
لا هتأذى اكتر والله ما هتفيد زى موضوع الملائكه و الكائنات دى
انا مستنى اجابتك يا اسماء
استاذ ما تفسيرك للمعجزات ؟؟
ممكن اجاوب السؤال ده و اختم بيه
المعجزات يا جماعه رقم 1 المعجزات طبيعى بتحصل حواليك بس انت مش عايز تشوفها في قصه حصلت معايا و مع ناس اعرفهم بس انا بحب اميل انى احكى قصص غيرى عشان الناس متتعلقش بيا في حد اسمه ليستر ليفنيسن كنت انا متابعه كتير اوى كان ماشى مع اثنين و كان ماشى مسافه طويله اوى من مكان لمكان بعيد اوى عن بعض ليستر و هو ماشي مع الاثنين دول هو ليستر ده الناس بتحب تقول عليه ماستر فقال لنفسه الطريق طويل و متعب بس رجع افتكر تانى و فكر نفسه ان هو مش الجسد و ان كل حاجه تمام و كل حاجه كويسه و مجرد ما قال كده اتنقل من المكان الى كان فيه للمكان الى كان عايز يروحله الى هو الانتقاال ألآلى يعنى
الحكايه و الحاجه المهمه ايه ان فى بنت هما كانو واحد و واحده البنت لاحظت و الراجل او الولد مخدش باله البنت خدت بالها بعد ما وصلوا و كده قالت ليستر هو احنا اتنقلنا قالها اه فهى عشان كانت مقتنعه بالموضوع ده و مصاحبه ليستر و بتصدقه فشافت الحاجه على حقيقتها التانى مشافش ففى معجزات طبيعى حواليك كتير دى رقم واحد حاجه مهمه
ثانى حاجه ان انا بقرأ كتير على الترددات و التردد الواطى و التردد العالى انا مبحبش اصنفها كده بس هى كتير مش صح فعلا المعجزات ترددات بس تردد معين بس انا مش عايز اقوله انا ممكن اديك طريق عليه ولا بلاش مش عايز اقوله لأ حاسس ان ربنا مش عايزنى اقوله و الله اعلم
طيب هاقول حاجه بردو على المعجزات .... لا مش حاسس انها عايزه تيجى على لسانى الله اعلم
ناخد حاجه بسيطه كده
صلاة الاستخاره
ممكن اختم بده
صلاة الاستخاره يا جماعه كل الى انت بتعمله بتبين لك الحاجات الى جواك الى انت مش شايفها ناحيه الموضوع بتبينلك الاحاسيس دى الى انت مش باصص عليها و مش عايز تبص عليها ناحية الموضوع ربنا بيكشفلك الاحاسيس دى و بتطلع تتجسد في الواقع و بتخلقيها بتخلقى مثلا ان الشخص ده يبعد عنك او يعمل مشله جامده بينك و بين اهلك و هكذا و هنا بقى نقطه مهمه بعد ما الاحاسيس تطلع و تتجسد ربنا بيديك الاختيار هتعرف ان انا لفت نظرك اهو ان انت جواك حاجات بتجسدها و تخلقها ضد الموضوع ده عايز تكمل يبقى الحاجات دى تشيلها او خلاص متمكلش في الموضوع ده مثلا يعنى
وصلت ؟
لماذا غلط العقل الباطن ؟
لان مافيش حاجه اسمها العقل اصلا لا باطن ولا غير باطن يعنى مثلا ممكن اقولك كلتى ايه النهارده الصبح تقولى مثلا انا فطرت عيش مثلا و جبنه جميل ؟ ده مش باطن دى حاجه انتى عملتيها بس مش باصلها بس لما سألتك بصيتى عملتى ايه و جاوبتى انما بقى اعمل لعقل الباطن و له طرق تعامل و لازم نغوص فيه ايه يا جماعه ؟؟ وهم كبير جدا جدا ناس عيشاه و انا عارف ان ناس كتير جدا منهم اطباء نفسيين بيضايقوا من كلامى ده بس يا جماعه في حاجه مهمه جدا لازم تكون عند الواحد في رأى و الى عايز يدرك ذاته هى الحريه و الشجاعه بمعنى اصح ان انا لما ربنا يعلمنى حاجه مهتمش برأى الناس مهتمش هما هيعارضونى فيها ولا لأ هاقولها و بالذات اذا اتسألت عنها او مش هنكرها ميبقاش ربنا كشفلى حاجه في آيه في القرآن بس مش فاكرها ميبقاش ربنا كاشفلى حاجه و نورلى نور و مبيديهوش لأى حد الا نادرا من عباده الى يختارهم و انا اقول لأ الناس هتزعل و اقول اه انتو صح و الى ربنا ورهونى غلط لا ربنا بيعاقب هنا بقى فميكونش ربنا كشفلى ان مافيش حاجه اسمها عقل ولا عقل باطن
LALOUI Mohameedهل كتاب keys to ultimate freedom يعتبر مجاني؟؟؟؟
لأ هو الحقوق بتاعته محفوظه مع واحد مات تقريبا السنه الى فاتت اسمه لارى كرين تواصلوا معاهم هتلاقوه على النت و موجود على فكره فري و بالمناسبه الحاجه لما بتتاخد الحاجه لما بتتاخد مش بحقها مش بتستفيد الناس الى فاكره انها هتاخد حاجه مسروقه و مبتدفعش تمنها هتستفيد هو قانون ربنا حطه في الكون الكتاب ده حقوقه مع مؤسسه لارى كرين مؤسسه لورنس كرين ده كان تلميذ من تلامذة ليستر بس قانونا هو الى معاه الحقوق بتاعت الكتاب ده مش عارف هيل دوسكن معاه الكتاب ده ولا لأ بس الى متأكد منه ان مؤسسه لورنس كرين معاها حق نشره فأكتبى لارى كرين او لورنس كرين و يا اما تشتريه يا اما متاخديهوش ببلاش حرام حتى لو ببلاش دى نصيحه
نختم على كده
تنصح تشتريه ؟ انصح اشتريه كمرحله
اشوفكم بقى ان شاء الله مره تانيه قريبا
السلام عليكم و رحمة الله و بركاته