اهلا بيك معاك فيصل عبد الواحد و كورس سيدونا المستوى الثالث و نبدأ ان شاء الله
بسم الله و الصلاة و السلام على سيدنا رسول الله نبدأ اليوم الثالث و ان شاء الله الأخير من المستوى الثالث من سيدونا اذا قدرنا نخلص كله النهارده بأذن الله لان زى ما قولتلكم الى هاقوله النهارده يا جماعه او يمكن جزء كبير من الى هاقوله النهارده انا حتى فى كورسات سيدونا الى قولته قبل كده مقولتش
فى ناس خدت قبل كده كورسات سيدونا الحريه الماليه و الحريه الجسديه و الحريه الشخصيه او (حرية العلاقات ) انا متكلمتش عنها قبل كده دى كلها مستويات متقدمه من سيدونا اتكلمت عنها بوجه عام قبل كده لكن متكلمتش بالطريقه الى هتكلم عنها النهارده فى اى مكان او اى كورس او اى حد يمكن اه فى كورس خاص يمكن فى ناس حاضره معانا النهارده استخدمت معاهم و طبقت حاجات من الى هنتعلمها النهارده لكن كون انى ادربها مدربتهاش قبل كده
ندخل النهارده فى الموضوع على طول احنا طبيعى خدنا المستوى الأول من سيدونا و رجعنا خدنا المستوى الثانى من سيدونا و عرفنا الحالات الشعوريه التسعه و عرفنا الرغبات الأربعه و عرفنا ان كل رغبه ليها وجه نقيض و الحاجات دى كلها عرفناها و الحمدلله عرفنا اخطاء التحرر او ازاى بنقاوم و احنا بنتحرر و ده هيبقى عليه تسجيل خاص ان شاء الله
النهارده عايز ابدأ بالحجتين الى هيخلصو اليوم الثالث او بمعنى اصح بيخلصو اليوم الثالث لو فاكرين فى اول يوم خالص فى المستوى الاول قولت ان سيدونا خمس طرق مظبوط يا جماعه فاكرين الخمس طرق دول ؟
ايه هما ؟
بالظبط اول حاجه الترحيب
ثانى حاجه الغوص مش لازم بالترتيب ثالث حاجه الأسئله الثلاثه رابع حاجه ايه رابع طريقه ؟ بالظبط الطريقه الرابعه يا جماعه هى الى عايز ابدأ بيها النهارده
بصوا يا جماعه احنا اتكلمنا عن الترحيب و اتكلمنا عن الثلاث اسئله ( دعه يذهب ) و اتكلمنا عن الغوص و قولت ان مافيش حاجه اسمها احسن واحده فيهم و مافيش حاجه اسمها كمان انى بكمل طريقه بالتانيه لا انا لما بعملك الترحيب مثلا مع الثلاث اسئله مش معنى كده ان الترحيب غير كافى بالعكس انت ممكن تستخدم الترحيب بس و ده يغنيك عن الأربع طرق الباقيين جميل؟
الحكايه ان انا مثلا مينفعش افتح مطعم على سبيل المثال و اقدم فيه دجاج بس مثلا رغم ان مثلا اقتناعنى ان دى الحقيقه ان الطعام ده اكتر طعام مغذى فى العالم بس بردو مينفعش اقدمه هو لوحده لذلك فى طرق تانيه الترحيب و دعه يذهب و الغوص و الثلاث اسئله و الغوص
النهارده هنتكلم عن الطريقه الرابعه الى هى يا جماعه حاجه اسمها النقيض الطريقه دى سهله جدا جدا يمكن اسهل حتى من الغوص يعنى مش حكايه احسن منها بس بسيطه
ناخد مثال انتو عارفين بحب اشتغل معاكم عملى مثلا شعورى بالكره ناحية شخص و هنا بدأ الايجو يظهر اوى عند ناس كتير لأن انا مش عايز اتحرر من الشخص ده انا عندى حق ان انا اكره الشخص ده يستحق الكره الى بحسه نحيته او شعور الغضب ناحية حاجه او شعور النقص ناحية حاجه او شعور الرغبه فى هدف اى كان و ليكن مثال شعورى بالغضب ناحية شخص ما جميلأ؟ شعور الغضب الى انا حاسه ده انا حاسه عشان حواليه اصلا شعور مختلف بالظبط كده يا جماعه لو انا شايف قدامى لون ابيض و قادر اميزه فعشان حواليه حاجه مختلفه فاهمين النقطه دى يا جماعه ؟
تمام
فشعورى بالغضب او اى كان ناحية الشخص ده انا قادر اميزه و اركز عليه عشان حواليه اصلا شعور بالرضا او شعور بالحب او شعور بالتقبل او شعور بالسلام اى كان المهم شعورى بالكره او الغضب ده اى كان الشعور ايه باين اوى و انا مركز عليه كده علشان حواليه نقيضه فاهمين النقطه دى يا جماعه دى اول نقطه
تانى نقطه فى التقنيه دى ان انا مش بس استخدمها كتقنيه استخدمها علشان اعرف انا وصلت لأيه يعنى مثلا انا حاسس بالغضب ناحيه شخص فالنقيض الى حوالين الشعور ده الرضا مثلا او السماح فأنا لما بتحرر بشوف هل انا فعلا وصلت لدرجه ان انا راضي عن سلوك الشخص الى انا مش حابه ولا لا يعنى هل اللون الأسود ده وصل انه يبقى ابيض ولا لسه جراى شويه ولا لسه بنى شويه مثال بس عشان اوضحلكم
هنا التقنيه دى او الطريقه دى المختلف فيها ايه ان انا و انا ابتحرر بعرف انا وصلت للى عايز اوصله ولا لأ معايا ؟ بس مش عايز ان ده يكون هدفى من التحرر مش عايز يكون هدفى انى اوصل لمرحله معينه انا بس بعرف انا وصلت لحد فين
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
طيب اتحرر بيها ازاى يا فيصل ؟
انا مثلا حاسس بغضب ناحية الشخص ده جميل؟ تمام ؟ ابدأ احس الأحساس المقابل او الاحساس المضاد معايا يا جماعه الحكايه دى يا جماعه بتعتمد بردو على الفيزياء بوجه عام فى الفيزياء بأختصار ان لما يكون فى قوتين ليهم او فى شيئين او حاجتين مثلا من نفس الكتله بيبقى ليهم نفس القوه او نفس الطاقه لما انا بعرض القوه دى او الطاقه دى لقوه تانيه بنفس المقدار