بسم الله و الصلاة و السلام على سيدنا رسول الله اهلا بيك ان شاء الله تكون بخير
معاك فيصل عبد الواحد و تسجيل جديد بإذن الله
النهارده متقدرش تسمى التسجيل ده جذب المال فقط و بردو النهارده متقدرش تسمى التسجيل ده حاجه هتكلم عليها كمان شويه اسمها الانسبير اكشن ليه ؟ لان انا كان قدامى الاختيار انى اقسم التسجيل او الفيديو ده جزئين لكن اختارت ان انا اخليه كله فيديو واحد رغم ان ده ممكن و هنتكلم كأنتشاره و كده ممكن يضرنى انا شخصيا لكن أهم حاجه عندى ان الفيديو ده او الحاجات الى فيه لما تكون مع بعض هتفرق معاك جدا جدا عن انك تسمع كل قسم فيه لوحده
لأن النهارده مش هتكلم بس عن جذب المال لكن هتكلم عن حاجه منتشره غلط جدا جدا
قبل ما تسمع الفيديو ده انت هتتصدم فيه كتير جدا مش كتيرجدا قصدى فى دلوقتى بس هتتصدم كتير فى حاجات انت كنت فاكرها مباديء علشان تجذب الى انت عايزه و انا هتكلم عن الحكايه دى اكتر فى كورس طاقة الجذب ان شاء الله هاعمله بشكل حى و ده مش موضوعنا النهارده
موضوعنا النهارده الى عايز ابدأ بيه ان انت اذا انت حسيت ان انا فى حاجه هاقولها متعارضه مع معتقداتك اعرف ان هى مسأله وعى اعرف ان انت ليك الحريه تتقبلها او متتقبلهاش
الى عايز اقوله الاول عن حاجه بنسمعها كتير جدا أسمها تيك اكشن و قرأنا كتير جدا عن الفرق بين الأكشن و الأكسبير اكسن و انك متقعدش فى البيت تستنى و الكلام الجميل ده كله و قرأنا كمان قانون الجذب ان انت مثلا الى احنا قراناه ان احنا نعمل معايشه و تخيل و خلين نقول تخيل علشان فى ناس بتفرق بين المعايشه و التخيل خلينا نعمل تخيل رغم اعتراضى على التصنيف يعنى
خلينا نتخيل ان الهدف ده معاك و بعد كده خلينا ناخد أكشن قرأنا ان كتير جدا ان انت مينفعش تعتمد على خيالك او احساسك و لازم تاخد اكشن جميل؟ اوك
اول صدمه النهارده ان كل الكلام ده غلط انا هاقولك غلط ليه و ازاى بس مش هاقدر اقولك السبب فى هو متتشر ليه
كنت بقولك انك قرأت كتير انك تاخد رد فعل
انا معنى كلامى ده مش انى بقولك تخيل بس انت كنت قبل كده يا فيصل بتقول ان قانون الجذب ليس هو مجرد تخيل حصولك على الهدف جاى دلوقتى تقول ان مجرد تخيل حصولك على الهدف كافى و بدون اكشن ؟ اوك انا ماكنش قصدى انك تاخد اكشن انا لما قولت ان تخيل ليس هو قانون الجذب ماكنتش بشير ابدأ انك تدى اكشن كنت بشير لأنك فى جزء أعمق من كده بكتير الى هو إعادة برمجه الحاجات الى جواك الى هى السبب فى الحاجات الى حواليك الى طريقه من طرقها هى التحرر بأستخدام اى تقنيه فانا ده الى كنت اقصده ان انت مجرد المعايشه و الخيال لأ طبعا مهواش قانون الجذب لأن المعايشه او التخيل وسيله بس لأنك توصل للتررد الى انت عايزه فى وسائل تانيه كتير اى نعم محتاجه تمرس أكتر فى الطاقه و التعامل مع الطاقه لكن المنتشر هو التخيل فأنا الى قصده لما انا قولت قانون الجذب ليس هو المعايشه بأمتلاك هدفك الان و شعورك بيه ده مش قانون الجذب انا قصدى ان انت محتاج تتعلم ان هو أوسع بكتير من كده بأذن الله
لكن ايه معنى الكلام الى انا بقوله دلوقتى ان انت اعمل التقنيه و شوف و بعد كده خد اكشن الكلام الى منتشر ان انت تاخد اكشن و تبدأ تدور و تكلم الناس مثلا لو هنتكلم عن جذب المال تجيب ورقه و قلم و تشوف صحابك مثلا الى ممكن يوصلوك لهدف زى ده او ممكن تنزل الشارع و تعمل علاقات جميل
انا كده لو قولتلك الكلام ده بوقعط فى فخ تانى ازاى ؟؟
الحقيقه الى يمكن افسرهالك دلوقتى ان الناس كانت بتقول و مدربين معروفين بدون ذكر أسماء عشان حتى المدربين الأجانب انا اعرف منهم ناس شخصيا و هما عارفين الكلام الى بقوله ده لكن فى قصد ان هما يدوا معلومه ناقصه لكن الى كان بيتقال ان انت مثلا الجزء الداخلى من قانون الجذب 50% و ال50 % التانيه تبدأ تشتغل و تاخد أكشن و الكلام ده زى ما قولتلك غلط
الحقيقيه ايه ؟
99% .9 من الى انت عايزه ان ماكنش 100% هو داخلى بس
يعنى قصدك يا فيصل اننا مناخدش اكشن ؟ هنتكلم عن الجزئيه دى كمان شويه
99% ان ماكنش 100% من حصولك على الى انت عايزه هو جزء داخلى بحت ليه ؟؟
لنفرض مثلا حصولك على 1000 دولار مثلا شخص اسمه انت مثلا اسمك محمد انت يا محمد عشان تحصل على ال1000 دولار فى الوضع الى انت فيه ده محتاج توصل لتردد معين و ليكن 1250 ميجا هرتز مثلا جميل؟
انت اذا وصلت لتردد 900 فى فرق بينك دلوقتى و بين الحاجه الى انت عايزها حوالى 350 ميجا هرتز جميل؟
هنا هتبقى الأكشن محتاج تاخد أكشن نوعا ما ليه ؟ لأنك موصلتش للتردد جميل؟ طيب لو انت فى ترد أقل مثلا 700 هتبدأ تشوف حواليك علامات الهدف الى انت عايزه هتبدأ تشوف حواليك ناس بتتكلم عن دولارات او ناس ب تتكلم عن مشروع او او
انا عايز اوصلك لأيه كل ما الفرق لتردد الحاجه الى انت عايزها قل كل ما حجم الأكشن قل
انت دلوقتى وصلت لتردد دلوقتى مثلا 1000 هيبقى حجم الأكشن محتاج انك تاخد أكشن ما جميل؟ لكن ايه الى يمنع ان احنا نوصل للتردد بالظبط ؟ طيب ايه الى هيحصل يا فيصل لو انا وصلت ل1250 ؟
الى هيحصل ان انت هتلاقى الأكشن اتاخدت لوحدها !!! تانى
اذا انت وصلت لتردد الحاجه الى انت عايزها بالظبط هتلاقى الأكشن طبيعى انت فى وضع و فى مكان و فى وقت الأكشن اتاخدت منك أصلا بدون ماتفكر فيها
افهم الجزئيه دى كويس جدا
محتاج بس منك تسلم على حد محتاج منك بس انك تمضي على حاجه محتاج منك بس انك تاخد الفلوس اذا انت 100% مع التردد الى انت عايزه مش هتفكر اصلا ان انت خدت الاكشن تبدأ بعد كده لما تسمع الحكايه دى تفتكر تقول اه انا فعلا الحكايه دى حصلت لوحدها من غير ما افكر فيها و فى حاجات كتير حصلت فى حياتك و لقيت نفسك فى المكان و الوقت المناسب ليها حتى لو كانت صح او غلط من غير ما تفكر انك تاخد اكشن ليه ؟
لأن طبيعى الحاجات الى جواك وصلتك لتردد معين خلت الأكشن ده يتاخد اصلا بشكل تلقائي اذا اما تسألنى تيكنج اكشن لو انت فى التردد الصحيح هتيجى لوحدها جميل؟
ايه الى بيمنعك من انك توصل للتردد ده ؟
الى بيمنعك الحاجات الى جواك المعتقدات الى جواك دى بيصدى منها تردد معين ممكن انت مثلا استخدمت التوكيدات بقى جواك حاجات تانيه معتقدات تانيه ممكن تعمل تدمر او تخرب التردد الى انت بتوصله لذلك ساعات بنلاقى نفسنا قربنا و بعد كده تعبنا تانى ليه ؟
بيحصل تعلق التوكيدات انا حذرت منها كتير جدا لأن التوكيدات بتكتب على المعتقدات الى موجوده طبيعى مبتتحررش من المعتقدات الموجوده فبتدأ تحط عليه فأوصل للجزئيه دى ازاى ؟
اهتم بنفسك بس و مالكش دوع بلى حواليك و مالكش دعوه هتوصل ازاى لهدفك انت مش مدبر الكون ربنا هو الى مدبر الكون ده ليك بأذن الله فمتفكرش ايه هتعمله لكن هاقولك على حاجه اذا حتلك فكره حسيت انها فكره عبقريه جميله اكتبها انا اتكلمت عن اجزئيه دى قبل كده ان الفكره جتلك لانك كنت فى تردد معين جتلك الفكره دى محتاجه ان انت تعبر عنها و تنقلها للجزء المادى فأبدأ اكتبها علشان متسيبكش و تروح لحد تانى
فى نهايه القسم ده عايزك تكون وصلت لجزئيه ان انت جواك اذا اهتميت بطاقتك و الجزء الداخلى جواك كافى جدا جدا و متفكرش فى الأكشن تعمل ايه علشان كده كده هيتاخد لوحده بأذن الله جميل
حاجه كمان عايز اقولها قبل ما اقفل القسم ده و انا اترددت كتير جدا قبل ما اتكلم عن اجزء ده لأن ناس كتير جدا هترفض تصدق الجزء ده الحكايه اختيار تصدق او متصدقش
الجزء الى عايز اتكلم عليه و ادخل على جزء جذب المال ازاى هتكلم معاك على حاجه مهمه جدا ان فى اهداف ممكن تكون مخليها على الأنتظار و انت مش عارف ازاى ؟
ساعات كتير بتفكر ان انت عايز تبقى غنى جدا امتى ؟ يوما ما
التفكير ده بيحط الأكشن و بيحط انك توصل للتردد المماثل و اى حاجه تقربك لهدفك ده بيحطها يوما ما و طول ما انت بتفكر كده يوما ما طول ما انت هتجذب ان ديما يزيد تفكيرك ان الى انت عايزه هيحصل يوما ما ابدأ من دلوقتى شوف يوما ما منتشره فين فى حياتك و قول بأذن الله و ان شاءالله نشتغل عليها دلوقتى بأذن الله دلوقتى و ابدأ بس فكر التفكير ده ان انت عايزها دلوقتى
طبعا هنتكم على الرغبه و التحرر
عايز ادخل معاك دلوقتى فى جزئيه جذب المال و ماكنتش هاقدر افهمهالك اوى من غير الجزء الى فات ده
اول حاجه علشان تبدأ تجذب المال الى انت عايزه ... ؟؟
رقم 1: تقبل فكرة ان انت مصدر كل حاجه حواليك ان انت مصدر الديون الى حواليك دى انت مصدر الظروف الى انت مسميها سيئه اى كانت و انا مش عايزك تحس ان الكلام ده مكرر انا عايز الكلام الى انت قرأته فى اماكن كتير جدا يمكن منى او من حد تانى يمكن سمعته و خدت كورسات عليه انا بقولك كده ليه ؟
انا مش عايزك انك مجرد تتقبل المسؤليه انت ممكن تكون متقبلها بشكل واعى لكن مش متقبلها بشكل غير واعى بدليل انك هيجى موقف كبير جدا جدا و هاقولك انت المسؤل فيه هتقول هو انا الى خليت اخسر نفسي مليون ريال و انا الى قولت اعمل حادثه
كله بأذن الله لكن اذا انت فضلت تعارض المسؤليه يبقى قانون الجذب و الى انت بتتعمله ده كله مالوش لازمه
يبقى رقم 1" تقبل ان انت المسؤلو مصدر كل الى حواليك ده ليه ؟؟
علشان تبدأ تبحث او تشوف ايه النمط الى متكرر معاك فى حياتك بالنسبه للمال شوف ايه الى بيتكرر فى حياتك من ناحية الفلوس انت دخلك ايه ؟ كل شهر انت بتصرف اد ايه ؟ انت ديونك ازاى ؟ انت ديونك بتزيد امتى او بتقل امتى؟
ركز على الجزئيه دى النمط المتكرر معاك ايه كل ما بتيجى معاك الفلوس ايه الى بيحصل كل ما بتحصلك ديون ايه الى بيحصل افتكر اخر مره كان معاك فلوس و اخر مره كان عليك ديون و ابدأ شوف انت حصلك ايه قبلها خلاك يبقى معاك فلوس و حصلك ايه خلاك يبقى عندك ديون و اكتب انت حسيت بأيه و كنت بتقول ايه
عايزك دلوقتى تشوف النمط لموجود فى حياتك ماديا و ركز عليه متجهدش نفسك فى التفكير طالما انت فتحت الباب ده صدقنى هيجيلك لوحده يوم يومين شهور و بأذن الله مش هياخد منك شهور ممكن سبع ايام طالما فتحت الباب ده و بدأت تبحث عن انمط هيطلع لوحده بأذن الله
عرفت النمط الى بيجيلك كل ما بيجيلك فلوس زياده تلاقى طلعتلك حاجه معينه تاخد الفلوس دى مثلا انت خدت مكافأه 500 دولار جميل؟ طلعلتك حاجه لا قدر الله حد حصله حاجه او انت احتاجت حاجه تصرفها فصرفت 400 دولار جميل؟ اذا انت جواك معتقد ان انت متستحقش كهديه اكتر من 100 دولار تمام؟
ركز كويس اوى ابحث عن النمط المتكرر فى حياتك علشان تعرف هو جاى منين ابحث انت بتاخد اد ايه و بتصرف اد ايه و ديونك بتحصل امتى و ممكن يكون الدين ده بيتكرر بس عند وقت الحاجه لشيء صحى ممكن يكون الدين ده بيتكرر بس عند وقت الحاجه انك تيجى تعمل مشروع ممكن يكون جواك معتقد انك مينفعش تبدأ بفلوس غيرك و مينفعش تبدأ برأس مال كبير شوف النمط الى فى حياتك ايه افتح بس الباب ده انك تدور على النمط المتكرر علشان تعرف سبب الواقع ده ايه
ثانى حاجه : مالكش دعوة بأزاى هتيجى متفكرش ان فى واحد صاحبك بيقولك دلوقتى انا بشتغل وكيل نيابه و مرتبى كذا و تقول انا اصلا هيجيلى فلوس منين انا لازم اكون تاجر علشان يكون معايا فلوس كتير ده ازاى ده معتقد انه لازم يكون تاجر علشان يكون معاه فلوس كتير انت شوف المعتقدات دى جواك ازاى هل جواك معتقد معين انك تبقى او تعمل و خلى بالك من الكلمتين دول علشان يبقى معاك فلوس كتير هل جواك حاجه زى كده ؟
متردش عليا حس و افتكر الكلام ده جواك كويس
اكتب الحاجات دى علشان متنسهاش و اهم حاجه الخطوه الثالثه ابدأ شوف دى خطوه متقدمه مش بعملها الا فى كورس خاص ابدأ شوف انت بتقول ايه كل يوم بالنسبه للفلوس انت بتقول ايه متكتبليش حاجتين او تلاته متقوليش ان انت بتقول بس مافيش فلوس او بتقول بس انا عمرى ما هبقى غنى انت بتكلم نفسك بالنسبه للفلوس أقل حاجه احنا قولنا ان الأنسان بيفكر فى اليوم 60 ألف فكره لو قولنا مثلا انك بتفكر الثلث من ده يعنى 20 ألف فكره فمتقنعيش انك بس بتفكر فكرتين او تلاته عايزك تجيب ورقه و تكتب من 7 ايام فاتو قولت ايه على الفلوس
انا مبحبش الكتابه كتير لكن اذا انت تضمن انك متنساش متكتبش من اول ما تصحى لحد ما تنام قولت ايه عن الفلوس عن وضعك الفلوس بوجه عام و ضعك المادى بشكل خاص قولت مثلا البلد مافيش فيها فلوس الحكومه مش هتسيب حد يشتغل فى حاله عشان اشتغل لازم اسافر لو انا كان معايا فلوس كتير اخويا هيطمع فيا انا عمرى ما هيبقى معايا فلوس كتير علشان انا ست و جوزى مش هيسيبنى فى حالى انا عمرى ما هيبقى معايا فلوس كتير علشان انا ست بيت عشان يكون معايا فوس كتير لازم اكون تاجر لازم اكون مشهور الفلوس مبتجيش بالساهل انت بتتكلم كتير جدا جدا مع نفسك بالنسبه للفلوس صدقنى لكن انت مش واعى لكده
تذكر و اكتب الحاجات دى تمام ؟
بعد كده طبعا انا قبل ما اقولك الى هتعمله على اخر خطوه رقم 4 : انت حاسس ايه بالنسبه لوضعك المادى الحالى الرغبه انك تغيره او الضيق من ناحية وضعك المادى الحالى عايزه تحسه 3 ايام بس كل ما تحس ان انت مضايق من وضعك المادى الحالى متقاومش حس الضيق على اد ما تقدر جميل؟ و حس الرغبه دى على اد ما تقدر ايام بس و بعد كده ابدأ حس تانى شعور الضيق او الرغبه فى تغيير وضعك الحالى هتلاقيه خف تماما بأذن الله
المعتقدات الى انت كتبتها دى اذا تقدر تعمل عليها سيدونا الثلاث اسئله اذا متقدرش بردو رحب بس انك تقول الكلام ده و اديله وقت و هو هيسيبك و يروح لكن انا انصح انت تتعلم اى تقنيه تحرر مثلا سيدونا ببساطه جدا سريعا انت مثلا عندك احساس انك لازم تكون تاجر علشان تمل فلوس كتير ابدأ حس الكلام ده و اد ايه هو صح بالنسبالك و رحب بيه و حس بالكلام ده و اتحرر منه بالثلاث اسئله
انا اقدر اتحرر من احساسى ده ؟
انا هتحرر من احساسى ده ؟ امتى
اما تتحرر من الاحساس عايزه تدخل على المعتقد علشان تعرف جاى منين تقدر تبع حياتك تقدر تشوف اول موقف حسيت فيه بالكلمه دى ممكن مثلا شوفت الناس الاغنيه الى كانو حواليك كلهم تجار ممكن تكون شوفت فى فيلم شوفت فى مسلسل شوفت فى اى مكان ان فلان مليونير و تاجر ابدأ ابحث عن الحاجات دى جواك و المعتقد الى كون الاحساس ده
و عامة لما تبدأ تتحرر من احساسك و انك شايف ان الكلمه دى صح عشان اكون غنى لازم اكون تاجر اما تتحرر من احساسك المعتقد هيبدأ يطلع فمتقلش من الحته دى متجهدش نفسك انك تبحث عليه
الى عايزه منك بس انك تفتكر اول موقف تقدر تفتكره اذا كان من3 ايام مش مشكله اما انت تفتكره و تتحرر من احساسك ده هيجيلك الموقف الى قبله و هتوصل لأول موقف فى حياتك حسيت فية كده بأذن الله
ارجو مكنش طولت عليك النهارده لأن مكنش ينفع افصل الجزئين دول لانهم مرتبطين ببعض جدا بأذن الله ارجو اكون افادتك و اشوفك فى فيديو جاى بأذن الله
كان معاك فيصل عبد الواحد
أمير نفسك دوت كوم