امير نفسك دوت كوم
النهارده هكلمك عن حاجه ملهاش علاقة بقانون الجذب اتطلبت من متدرب من متدربينى حبيت اعملها كفيديو تفيده اولا
ثانيا عشان تفيد ناس كتير عندها المشكله دى ف الى هاقوله النهارده علشان ناس كتير عندها مشكله فى التركيز هى الى انا هاقوله النهارده تمرين على التركيز بس مش عايزك تستخدمه ع التركيز بس لكن هيفيدك انك تعمله قبل ما تسمع اى كورس مهم او قبل ما تعمل اى حاجه مهمه او حتى قبل ما تذاكر حاجه اسمها " ليرننج استات "او وضعية التعلم هو التمرين بسيط جدا بتجيب ورقه قدامك او حتى على اللاب توب اوع الموبايل اى مساحه بيضه و ترسم فيها فى نص الصفحه مثلا نقطه سوده وعايزك تبتدى تركز معايا من هنا عشان هنبدأ نستخدم التقنيه دى هتبدا تركز بعينك على النقطه السوده دى تمام ...
و بدون ما تحرك عنيك تبدأ تدرك الى انت شايفه حوالين النقطه السوده دى او حوالين الموبايل او حوالين اللاب يعنى مثلا لو هتعملها فى صفحه او ورقه ملموسه بتكتب فيها دايرة سوده و تركز عليها و انت مركز البؤبؤ بتاع العين على النقطه دى بدون ما تحرك عينك يمين وانت مركز ع النقطه دى جرب تدرك الحاجات الموجوده ع اليمين ابدا وسع ادركك ان انت تبدأ تلاحظ ان فى ع اليمين قلم مثلا او فى مثلا ع اليمين موبايل او الباب بتاع الاوضه و ابدا بعد كده تجرب تدرك الى على الشمال بدون ما تحرك عينك بردو زى مثلا مفاتيح العربيه او اى كان المهم تعمل كل ده وانت مركز على النقطه السوده دى تمام
و تعمل ده فى الاربع اتجاهات يمين شمال وفوق و تحت لغاية ما انت تحس انك و انت مركز على النقطه لسه بتدرك كل حاجه حواليها بدون ما تغير نظرتك او الوضع الى انت بتبص بيه او المكان الى انت بتبص عليه و انت عينك مركزه ع النقطه السوده دى تدرك الى بيحصل حواليها اعمل الحكايه دى مثلا دقيقتين اوثلاث دقايق و بعدها لو محتاج تتعلم حاجه اتعملها و تسمع كورس اسمعه دى حاجه اسمها ليرننج استات لان ببساطه جدا انا عايزك تبقى فاهم التمرين شغال ازاى
لان وظيفه الادراك الى انت مبتشوفهوش بشكل مباشر دى بتاعت العقل الباطن اما انت بتبتدى تخلى الحاجه الى بتتعمل بشكل غير ارادى تبدأ تروح و تركز عليها ده بيوسع ادراكك اكتر يعنى انا تبتدى تخلى الحاجه الى بتحصل بشكل تلقائي و انت مش مدركها اصلا تبدا تركز عليها بأذن الله ادراكك هيبدأ يتسع و حتى لو انت بتسمع حاجه و انت مش مركز اوى مش مركز اوى دى هتخليك تحصل كتير و تاخد معلومات اكتر ان شاء الله
التكنيك ده موجه للى عندهم مشاكل فى التركيز فى ناس بتقول انا مبعرفش اعمل حاجه واحده لمده دقيقه او كام ثانيه على بعض و للناس الى بتحب تستوعب اكتر و الناسالى عندها مشكله فى التخيل
اعمل التمرين ده وهيساعك ع التركيز كتير جدا ان شاء الله
ارجو يكون التمرين ده ساعدك و ان شاء الله تستفيد بيه فى الى تحبه
فيصل عبد الواحد
امير نفسك "