بسم الله و الصلاة
و السلام على سيدنا محمد رسول الله و على جميع انبياء و رسل الله الصلاة و السلام
ازيك عامل ايه فيصل عبد الواحد معاك
من فتره كنت قولت انى حابب اعمل لايف او امسيه حيه على الصفحات بتاعتى و بعد كده عملنا استفتاء لقينا الناس حابه اسئله اكتر من الامسيه لكن بعد كده ربنا ارشدنى ان انا هديك حاجه احسن من الاسئله انا هديك حاجه اعملها معايا و استمر عليها و متسمعش لاى حد تانى حتى انا شخصيا
اعمله و استمر عليه و انا بتحدى والله هتشوف الحياه هتتغير ازاى جوه و بره المبدأ ببساطه ان انا مش عايز اتكلم فى حاجات كتير و اقولك ان مافيش عقل و كل الكلام الى سنين بنتكلم عنه ده انا هتكلم عن حاجه بسيطه اوى
الموضوع ان الرغبات الى عندك كتير فى تغيير الحياه معناها انك بتخلق بشكل دائم من اول ما تصحى من النوم لغايه بعد ما تنام ايوا لغايه بعد ما تنام مش حتى لغايه ما تنام بتخلق فى نقص انت بتحس ده خلق بتخلق نقص النقص مش وحش مافيش حاجه فى الدنيا وحشه خالص انما انت مختار ان انت تخلق نقص حلو كده ف انا هديك حاجه بسيطه حتى هعملها معاك و اعملها معاي و احتفظ بالفيديو عندك و اعمله لوحدك حتى و مش عايزك تشوف انه تمرين عايزك تشوف انه حاجه جواك انا بعرفك بيها و بتستغنى عن كل حد بما فيهم انا
عايز معايا دلوقتى تبدأ تبص كده على نفسك و على حياتك هتلاقى ان كل تفكيرك فى الحياه الى حواليك الى انت مسميه حيياه او واقع انت مسميه رغبات
رغبه ان الموضوع ده يتعدل رغبه ان الفلوس تزيد رغبه ان ولادى يسمعو الكلام رغبه ان زوجى يعاملنى حلو و هكذا ف انا عايزك دلوقتى معايا جرب كده ابدأ ارضى عن كل حاجه فى حياتك جرب انت بقالك سنين مجرب الرغبات و مافيش اى حاجه بتتقدم جرب دلوقتى ترضى عن رغباتك فى حياتك زى ما هى لحد متسألش اىاسئله دلوقتى مافيش هنا ازاى فى هنا ببساطه مين الى قررو اختار ان هو يرغب فى تعديل الشيء ده او يرغب فى فلوس زياده او يرغب فى شغل افضل انت صح
انا عايزك دلوقتى تقرر انك تبقى راضى ارضى معايا دلوقتى فى حياتك زى ما هى و خد وقتك الموضوع مش غصب انت الى بتختار يعنى متحاولش تغير عدم الرضا لرضا انت بس بتشوف ان انت بتقول لأ لل حاجه فى حياتك بتقول لا للفلوس بتقول لا للحياه العاطفيه للناس للشغل لحاجه فى جسمك جرب ان انت متقولش لأ و ترضى بكل حاجه زى ما هى و حبها زى ما هى جرب ...... لحد ما يبقى مافيش اى رغبات و تحس ان انت مرتاح خد وقتك جرب ان انت متقولش لا لاى وضع فى حياتك و امسكهم واحد واحد لو عايز و متقولش لا لاى حاجه فى حياتك و تستغنى و تسيب كل الرغبات بمزاجك انت و اختيارك انت شوف حجم الارتياح الى انت بتحسه شوف حجم الهدوء و السلام الى انت بتشوفه و الراحه
عايزك تختار تكون كده و تعيش كده عيش كده و شوف الفرق بأذن الله جوه و بره
اشوفك فى فيديو جديد ان شاء الله
فيصل عبد الواحد