ازيك عامل ايه مره تانيه معاك فيصل عبد الواحد
امير نفسك دوت كوم
و النهارده زى ما العنوان بيقول
الحقيقه انا اتكلمت عن طرق التحرر كتير جدا و عن سيدونا كتير جدا من سنين لكن حابب النهارده اخصص التسجيل لطريقة تحرر بردو مش هتعمق اوى فى سيدونا هنعمل حاجات بسيطه جدا و سريعه جدا فى التأثير الداخلى و الخارجى
هى طريقه مدفوعه بس حبيت اشاركها معاك عشان صدقنى هتشوف اثرها ان شاء الله ابتداء من اليوم
ببساطه انا اختارت مثال اطبق عليه النهارده بتاع العلاقات
عايزك مثلا اختار اى مشكله ولتكن اصعب مشكله فى حياتك و عايزك دلوقتى تكتب المشكله دى يستحسن انك تكتبها و تحط خط تحت كل صفه او حال او حاجه زى مثلا تجربه بتاعتك او المثال الى هشتغل عليه النهارده بنت انفصلت عن زوجها مثلا فالتجربه بتقول مثلا جوزى قالى كلام قاسي فرديت عليه بعصبيه و بعدين انفصلنا و انا دلوقتى بعيش حياه معاناه مثلا
حطى خط تحت الصفات او الأحوال الى انتى قولتيها يعنى مثلا خط تحت كلمة قاسي و خط تحت كلمة بعصبيه و خط تحت كلمة معاناه الى هى بعيش حياه فيها معاناه او حياه اكتئاب الى آخر الصفات دى حطى خط تحت كل صفة و حال و تحت كل صفة بتوصفى بيها حاجه فى التجربه دى
المشكله هنا ان الصفات او الاحوال دى هى المعتقدات الى عملتلك اولا المشكله دى
ثانيه : مخلياكى لسه عايشه فيها رغم ان المشكله انتهت
فلى احنا هنعلمله دلوقتى
شوفى الصفات احنا هنا عندنا ثلاث صفات قاسي و عصبيه و معاناه الثلاث حاجات دى هما الى هتتحررى منهم انا بنصح بسيدونا و بتكام عليها و هتلاقي عليها فيديوهات كتير جدا انا مش هضيع وقت فى انى اشرحهالك دلوقتى و ممكن تستخدم حرق المعتقدات و ممكن تستخدم الهوبونوبونو و ممكن تستخدمى اى كان اتكلمت فى حاجات كتير جدا المهم انا شخصيا بنصح بسيدونا
ولو انا مثلا هستخدم سيدونا هنا عايز اول حاجه نعملها هناخد كلمة قاسي عايزك ترحبى بالكلام ده ان الكلام الى زوجك قالهولك وقتها كان قاسي ترحبى بيه يعنى ايه يعنى تحسيه و تسمحيله يكون موجود خدة وقتك و حسي الاحساس ده و بعد ما تحسي انك ارتاحتى روحى على الصفه الى بعدها الى هى العصبيه و بردو نفس الحكايه حسي الكلام الى كنتى بتقوليه و بتردى بيه وقتها و حسيه دلوقتى على اد ما تقدرى و بردو لغايه ترتاحى على اد ما تقدر و بعد كده الصفه الثالثه الى هى كلمة معاناه
نفس الحكايه ممكن طبعا القصه بتاعتك يكون فيها احوال و صفات كتير خدى وقتك
طيب اقف امتى يا فيصل او اعرف انى خلصت امتى لغايه ما تقدر او تقدرى تحكى القصه بالشكل ده يعنى مثلا زوجى قالى كلام رديت عليه انفصلنا و انا الآن عايشه حياه
الفيرجن الاول زوجى قالى كلام قاسي و رديت عليه بعصبيه و انفصلنا و دلوقتى انا بعيش حياة معاناه
الفيرجن الثانى الى عايزين نوصله بأذن الله زوجى قالى كلام رديت عليه و انفصلنا و الآن انا عايشه حياه
تمام لغايه ما توصلى انك تقدرى تقولى كده و تحسي كده فعلا مجرد ما توصلى للمرحله دى و بدأت تحكى التجربه دى بدون الصفات الى انت حطتها دى اعرف ان ان شاء الله بدأت تشوف نتيجه جواك و كمان بره بأذن الله
وعايزك تبدأ اسمع و طبق و متنساش تبعتلى تجربتك ان شاء الله
فيصل عبد الواحد
امير نفسك دوت كوم