امير نفسك دوت كوم
عايز بس اقولك النهارده اذا انت مسمعتش الجزء الأول سواء على اليوتيوب هنا او قرأت المقاله هتلاقى اللينك غالبا تحت الفيديو ده الى على امير نفسك دوت كوم او حتى لو مقرأتش البوست الى على صفحه امير نفسك الى على الفيش بوك فأنصحك انك توقف الجزء ده و تسمع الجزء الأول لانك لو سمعت الجزء ده قبل الجزء الأول اولا مش هتفهم اى حاجه ..
ثانيا نسبة الاستفاده بتاعتك من الجزء الأول مش هتبقى زى ما انا حاببها فأنصحك اذا كنت مسمعتش الجزء الأول الى هى الصندوق الأحمر هتلاقى لينك تحت الفيديو ده عايزك تقفل الفيديو الى بتسمعه حاليا ده الى هو الفيديو الأحمر 2 او التفسير و عايزك تروح تسمع الجزء الأول ان شاء لله
النهارده هنتكلم بأذن الله عن الجزء الثانى مش مقاله الصندوق الأحمر بس من تجربه الصندوق الأحمر ككل كان فى فعلا من حوالى 3 سنين جزء تانى للمقاله دى بس مش ده الى هنتكم عليها
النهارده هنتكلم ..ليه بغض النظر عن انى اتكلمت عن كل حاجه سواء المعايشه سواء التوكيدات كل ده اتكلمت عليه يعنى يمكن التوكيدات متكلمتش عنها كتير يمكن مره او يمكن حتى اقل من مره يمكن كلام فى وسط السطور كده بس المهم انى اتكلمت عن كل شيء موجود فى قانون الجذب و قولت ده منافعه كذا و ده اضرارة كذا و يمكن حتى عملت حاجه اسمها دليل الزائر الجديد مش عارف قراتها عندى على الويب سايت على امير نفسك دوت كوم ولا لأ بس قولت يعنى فى 3 طرق فى كذا و فى كذا و فى كذا
بس المهم بغض النظر عن ان انا كنت بتكلم عن كل الطرق رغم اعتراضى عنها بسيب حريه لناس زى ما ديما بقول ينفعش افتح مطعم و ادى فى نوع واحد من الاكل حتى لو كنت مؤمن ان ده افضل نوع و اشهى الانواع و اغلى الاطعمه و ان هو افيد الأطعمه مينفعش انى اعمل ويب سايت اتكلم عن حاجه واحده بس على الاقل حبيت اوضح الحاجات المختلفه و اسيب للناس حريه الاختيار مع تاكيدى ان المعايشه و التوكيدات و الحاجات دى مش مفيده زى ما انت متخيل
بغض النظر عن الكلام ده كله الى انت قولته كتير يمكن انت زهقت منه او زهقت من قرآته قبل كده انا حبيت افكرك بالمعايشه و عملنا الصندوق الأحمر و الناس عملت معايشه و فى ناس كتير يمكن كل الناس بلا استثناء يمكن يعنى مش فاكر حد قال الحكايه منجحتش معاه بس امهم على ما اذكر يمكن حد تقريبا او بنت النسبه تقريبا 99%.9 و .99 فى الألف تقريبا يعنى
المهم الناس كلها عملت التمرين و الناس كلها جذبت الصندوق الأحمر و الناس حتى علشان تتأكد فى ناس عملو الصندوق الأزرق و فى ناس عملوا حاجات تانيه المهم ان احنا فعلا عدينا المرحله دى و ناس عملت المعايشه و تمكنت انها توصل للصندوق الأحمر بس عايز اقول حاجه مهمه جدا ان محدش بفضل الله خد باله منها لان لو كان حد خد باله منها بالشكل الى انا مش عايزه كانت هتبقى مشكله ان الطاقه الى انت فى حاليا و الواعى الى انت فيه حاليا ممكن خد بالك من حاجه او من الفايده الايجو بتاعك يمنعك عنها و يقولك لأ او انت خلاص عرفت الفايده جيه منين فتقفل على نفسك الباب ده فكويس ان انا محبتش اوضحها فى الاول لذلك عملته جزئين
فحبيت ان النهارده اقول ان فى حاجه مهمه الناس مخدتش بالها منها ان ناس كتير جدا شافت الصندوق الأحمر تمام لكن مش كل الناس شافت الصندوق الأحمر فى الواقع فى ناس شافوه فى صور و ناس شافوه فى بوست و ناس شافوه فى افلام وناس شافوه مع ناس حواليها انما لو جينا نشوف النسبه هنلاقى قليل اوى اوى من الناس الى جذبوه ليهم شخصيا على أرض الواقع هتلاقى نسبة قليلة جدا و ده الى كنت عايزه اوصله اى نعم المعايشه بتشتغل و اى نعم قانون الجذب موجود دى حاجه فعلا عندنا من زمان بس المهم انا عايزك شوف المعايشه فائدتها اد ايه لذلك اما انت كنت بتستخدم المعايشه قبل كده على اى حاجه بتشوفها حواليك .. بتجذب الهدف بس لشخص تانى .. الهدف بيقرب بس بيبعد ... فالمعايشه اوك بتشتغل بس مش بالنتيجه الى انت عايزها و على فكره اقول حاجه مهمه كمان
ان لو مكناش دمجنا خطوة التحرر انت فعلا عملت تحرر و انت مش عارف و دى النقطه التانيه الى محدش خد باله منها طالما انت فعلا خلاص عملت المعايشه و بعد كده التحرر الى انت عملته الى هو نسيت الموضوع و سبته كله ده مش فك ارتباط يا جماعه فك الارتباط اصلا اه طريقه من طرق قانون الجذب بس علميا تندرج من التحرر بس عشان الناس متتلخبطش خليك على التقسيم الثلاثي الى هو فك الأرتباط و مقاومه البارادايم و تغيير المقاومه الداخليه المهم الخطوه الى انت عملتها ان انت سبت الموضوع و مشيت فى حياتك و روحت شغلك و كلمت الناس الى حواليك و عملت اى كان الى بتعمله و الموضوع كله راح من دماغك ده التحرر جميل و لذلك ده الى خلى الحاجه الى انت حاططها جواك تيجى و الحاجه الى انت جواك سواء ان هو يجيلك على ويب سايت ان هو يجيلك بشكل معين المهم ان التحرر ادى دوره ببراعه و ان جابلك الحاجه فى وقت قليل جدا مش المعايشه الى جابتهولك فى وقت قليل جدا العايشه الى جابته بالشكل ده الى بالمواصفات الى انت عايزها دى تمام ؟؟
ففعلا انا حبيت من ده اثبتلك اولا لان فى ناس كتير بتقول مافيش قانون جذب انا خلاص قولت اوم التمرين عندك و جربه و يا اما تقتنع يا اما تمشى فى خط انك تقول لنفسك دى صدفه و مش عشان صدفه حصلت يبقى فى قانون جذب انت حر دى حياتك و دى اختياراتك و كمان لو حد تعرفه بيقولك مافيش حاجه اسمها قانون جذب قوله يعمل التمرين ده وسيبه يواجهه الحقيقه بنفسه دى اول حاجه
تانى حاجه انا حبيت اعرفك ان المعايشه اه انا ديما بقول انها بتشتغل بس انا مبنصحش بيها لان فوائدها قليله و اضرارها اكتر من فوائدها زى ما انت شوفت المعايشه اشتغلت اه بس نسبه قليله جدا جدا من الناس الى وصلت للصندوق على ارض الواقع فلذلك النقطه التانيه الى كنت عايز اوصلهالك ان المعايشه مش بالواو الى حواليها من مدربين و مش بلى انت متخيله و بالقوه الى انت متخيلها تماما بالعكس انا شخصيا مبستخدمهاش نهائي الا مع متدربينى و قليل اوى يمكن من 2000 او 3000 حاله او حالتين بستخدمها عشان اطلع معتقدات انما مش بستخدمها عشان جذب او تحرر او عشان اى حاجه بس حالات كده فى مقاومه فيها كبيره للشغل بتاعى فبستخدم المعايشه عشان اطلع المعتقدات المهم دى النقطه الثانيه
النقطه الثالثه و دى حاجه مهمه ان التحرر هو الى بيشتغل هو الى بيجيب نتيجه ف انا حبيت بس احطك قدام النتيجه دى و قدام نقطه مهمه ان انت لا قعدت تكرر المعايشه كذا يوم ولا قعدت تكرر المعايشه فى موجات بيتا و لا دلتا ولا الفا ولا قعدت تقول توكيدات لنفسك انا هيجيلى صندوق احمر ولا قعدت تستخدم طاقه المكان عشان يجيلك صندوق احمر و لا قعدت تسمع ترددات عشان يجيلك صندوق احمر ولا اى حاجه من الحاجات دى و الصندوق الأحمر جه
جه فى ارض الواقع او الويب سايت او حد حواليك الى عمل كده المعايشه نفسها الى عمل كده كون المعايشه نفسه مش الى عمل كده تقصير او اى حاجه انما هى دى فائده المعايشه تمام انا بس كنت عايز اوصلك ان النقطه الاخيره كمان ان انت لا محتاج توكيدات ولا تكرر المعايشه كل مده معينه من الأيام ولا محتاج تقول لنفسك توكيدات كل يوم ولا محتاج طاقة مكان ولا محتاجه تنامى على سرير ما بين اثنين كومدينو ولا محتاج ان انت يبقى معاك والله العظيم الكلام الى بقوله ده مش عارف مين بيقولو من المدربين انا الكلام بقرأه من ناس على الفيس بوك على الحالات مثلا انا معرفش و اسف لو الكلام ده ضايقك او اتعدا على مدرب انت بتحبه بس انا شخصيا معرفش مين الى بيقول ايه انا بقول كلام انابقرأه و انت مش محتاج طاقة مكان و مش محتاج تلبس زى معين او يكون سلسلة مفاتيحك او محفظتك او شنطه بتاعتك لون معين انت مش محتاج الحاجات دى كلها اوك الحاجات دى ممكن تمكل و تبقى حاجات ثانويه انما مش الحاجات الاساسيه بدليل ان انت جذب بدون ما تعمل اى حاجه من الحاجات دى
فأنا حبيت بس مهما كان الكلام مقنع و مهما كان فيصل عبد الواحد بيتكلم مش هيبقى الكلام مقنع اد ما انت هتشوف بنفسك و اد ما انت بتشوف الحقيقه بنفسك فأرجوا ان انت تكون استفدت ان انت يارب بس تكون بتسمع الفيديو ده بعد فيديو التسجيل الاحمر مش قبله لان انت لو لغايه دلوقتى مسمعتوش ولا الكلام ده ....
ارجو ان تكون استفدت و ارجو ان شاء الله انك تكون عرفت انا استخدمت المعايشه ليه و جبتها قدامك تانى ليه و سر الصندوق الأحمر و ليه ناس فى الواقع وناس لأ ارجوا انك تكون استفدت و يكون ربنا قدرنى و افادتك و اشوفك فى تسجيل جديد ان شاء الله
فيصل عبد الواحد
امير نفسك دوت كوم