ديما تسمعنى بقول يعنى ايه لا تفعل شيء او متعملش حاجه
بقولها كتير انا فيصل عبد الواحد و حبيت اشرحلك الحته دى او الجزئيه دى بشكل بسيط يعنى ايه لا تفعل اى شيء
انا شخصيا من النوع ده من التصنيف ده من الناس الى بتحب متملش حاجه و الحاجه تحصل لوحدها او تجيلها لغايه عندها بفضل الله طبعا متعملش حاجه يعنى اذا جت فكره او احساس مش عايزه متعملوش حاجه متتصرفش متاخدش اكشن جت فكرة ( سلبيه ) مافيش حاجه طبعا اسمها سلبى او ايجابى بس جت فكره انت شايفها سلبيه تعملها ايه ؟؟ ولا اى حاجه خالص ده احساس انت مش حابه متعملوش حاجه خالص هو ده الصح انك تعيش كده فوق احاسيسك و فوق افكارك و فوق الحاجات دى انت مش محتاج تعملها حاجه و هى مش هتضرك انت بس قاعد كده فى امان الله مبتعملش حاجه و جت فكرة ان فلان هيحصله حاجه وحشه ولا تعمل اى حاجه خالص
جالك احساس بالأنزعاج ولا تعمل اى حاجه خالص هو ده انك تبقى فى سلام مع كل شيء من افكارك و مشاعرك ولا اى قكره او اى احساس تحرك حاجه فيك حسيت ان فى حاجه جت انت معظم الناس متعوده ان هى تعمل شيء معظم الناس متعوده انها لا لازم تخلص من الفكره دى بسرعه و تعمل حاجه لذلك تقنية سيدونا موجوده و عرفتها لناس و اذا انت مصمم تعمل حاجه اوك اتحرر اعمل سيدونا استخدم اى تقنيه من الى اتكلمنا عنها بس فكرة ان انت لازم الفكرة اذا جت تتخلص منها بسرعه لا ده مش صح و الا هيضرك او هتخلقه او تجذبه لا دى مش حقيقه معكامل احترامى للناس الى بيقولوا كده بس انا بتكلم من مكان انا قاعد فيه و عايش و شايفه و كائن فى المكان ده يعنى مش بخترع حاجه او مش ببتكر حاجه او مش بألف حاجه انا مش هكدب الحاجه الى انا فيها عشان اصدق كلام غريب فالموضوع ببساطه ان جالك اى احساس او فكره او شعور ولا تعمله اى شيء اتعود على ده انت متعود تقاوم متعود تحاول تخلص و تشوف حل لذلك اى فكره اذا حاولت تخلص منها انا متأكد هتلاقيها موجوده اكتر اى احساس اذا حاولت تطرده و تتخلص منه هتلاقيه بيلح عليك اكتر صح ؟ هنقول اه اصل دى حاجه قديمه و معتقد قديم ببساطه جدا متعملش حاجه والله فى كل الحاجات الى شوفتها افضل شيء يتعمل هو الا تفعل شيء بالبساطه و السهوله دى
جاتلك اى احاسيس و مشاعر اى افكار و مالو تقبلها مش كتمرين مع نفسك تقول اه انا هاقعد بقى اتقبل الاحساس ده اذا حاسس انك محتاج تعمل ده اوك بس الاسهل و الاصح و الافضل و الاجمل حتى داخليا و مش بس داخليا فى النتايج كمان خارجيا ان جه احساس ما عادى متعملوش شيء كن فى سلام مع كل حاجه جواك هتلاقى السلام فى كل حاجه حواليك جت فكره اهلا وسهلا جه احساس اهلا وسهلا عيش بالأنسيابيه و السهوله دى و جرب تعيش كده يوم و شوف اليوم ده هتكون مرتاح فيه ازاى و شوف اليوم ده احداثه هتكون عامله ازاى و شكلها ايه
اشوفك فى تسجيل جديد ان شاء الله
فيصل عبد الواحد