ازيك عامل ايه معاك فيصل عبد الواحد و تسجيل جديد من تسجيلات امير نفسك دوت كوم
و الحقيقه التسجيل ده عملته عشان البوست الى عملته الخاص بأن مافيش حاجه اسمها مشاكل هى بس برامج او ذكريات شغاله فى العقل هو بيشغلها و بيفضل يشغلها و انت رد فعلك ليها بيكون نفس رد الفعل الى موجود على طول و هى انك بتدور على حل و اظن ان الحقيقه معنديش وقت بصراحه اقرأ الكومنتات و الرسايل كلها اظن انه فاد ناس لكن عينى وقعت بالصدفه على رد و يمكن مش صدفه هو حد جزم ان انا قرأ الرد ده عشان اعمل التسجيل بتاع النهارده الخاص بالجزئيه دى
فحبيت اعمل التسجيل ده عشان اوضح النقطه دى اكتر و افهمك الحكايه دى بشكل ابسط ان شاء الله
خلينا نفرض ان الواقع انت مالكش يد فيه و انك متقدرش تغيره و انك مش انت الى عملته تمام خلينا نفرض ده و دى مش حقيقه بس خلينا نفرض ده عشان انا بحب اتبع اسلوب ديما ان انا بكلم الشخص الى قدامى على اد وعيه و ده بيخلينى ان انا مش اقطتع معلومات او اجزأ معلومات على فيديوهات او على مراحل او كده عشان بردو بقدر و بخاطب اقل وعى ممكن
فالمهم خلينا نفترض ان ده صح ان الواقع الى حواليك مش انت الى عملته و ان مالكش يد فيه و ان متقدرش تغيره طيب على الاقل لو الواقع زى ما هو انا مقدرش اغيره احساسي فى ايدى يعنى لو انا مقدرش اغير الواقع طيب ليه ازعل علشانه يعنى بالمنطق بتاع الايجو الى عندك الى بيقولك الواقع زى ما هو و ده مش احساس دى حقيقه و الكلام الفارغ ده كله
الواقع ماشى اوك زى ما هو مش شرط احس نحيته الاحساس ده يعنى لو فى واقع مضايقك او مشكله مضيقاك او شخص مضايقك او مشكله فى العمل او مشكله مع زوجك او اى كان او مشكله ماديه مش شرط ان عشان الوضع ده كده انى احس نحيته كده صح ؟
يعنى حتى لو فرضنا ان الوضع مبيتغيرش لكن اقدر اتحكم بقى فى انى احس الاحساس ده او محسوش و طالما كده كده مش هيتغير ليه ازعل نلفسي ليه احس الاحساس ده اسيبه و خلاص
الفكره ارجو انى اكون وصلتها هى بالبساطه دى فأذا انت عيشت بالحكايه و الطريقه دى هتلاقى الحكايه سهله جدا فالأحساس ده كده كده مش هيفيدنى بحاجه فليه احسه و اقولك على حاجه بردو ممكن توصل لاكبر قدر ممكن العقل من ضمن اساسياته او وظايفه ان هو خلاق مش خلاق انه مبدع و الكلام الفارغ ده لأ خلاق يعنى بيصنع
فاختار الى انت عايزه يصنعه اختار الى انت عايز عقلك يعمله فالى انت هتحطه فيه هو الى هيطلعهولك هتحط فيه بقى حزن هيطلعلك حزن هتحط فيه مقاومه هيطلعلك مقاومه فاختار انت عايز تحط فى عقلك ايه اختار انت عايز تكون ايه هى بالبساطه دى لو انت عيشت بالبساطه دى لو اى اساس حسيته بعد كده هتختار ببساطه انا مش عايز اكون ده خلاص مش هاحس الاحساس ده بالبساطه و السهوله دى
وارد ان حاجات تحصل تزعلك او تضايقك وارد و ممكن و فى بعض الحالات بيبقى طبيعى بس بردو نفس الحكايه خلاص الى حصل حصل احساسي نحيته بالزعل او المقاومه مش هيفيد بحاجه غير انه هيزوده فأنا لو عايز اغيره محسش الاحساس ده الزعل اوالحزن ده فهى المعادله بسيطه
لكن للأسف الايجو بتاعنا الى بيمنعنا الايجو بتاعنا يعنى كان فى ناس ديما متدربين معايا بقولهم المشكله فى الايجو وانت عايز تعانى او تحزن بيبقى اول رد لأ و مستحيل و انا لو عايز ازعل مكنتش جيت اتدربت معاك لكن اما بنبدأ نشيل و نشيل و نكتشف بيبدأ يحس فى مرحله من التحرر كده بعملها مع المتدرب بيبدأ يحس لأ انا مش عايز الاحساس يروح بيحس ان هو بيمسكه و عايز الاحساس يفضل موجود احساس الحزن مثلا بيحس انه عايزه يفضل موجود او الرغبه فهى الحكايه كده هو ده الايجو
الايجو كان حد من متابعينى بردو ناصر مش عارف بيسمع دلوقتى ولا لا هو مش متدرب عندى هو متابع عندى و ماشاء الله بيدوب سيدونا دلوقتى فى اليمن على ما اظن و متمكن منها جدا دلوقتى فكان سألنى سؤال عن الايجو بردو بس مش عايز اتعمق فيه
الايجو هو العقل فالعقل ده اكبر ابتلاء ربنا ابتلانا بيه العقل ده مصيبه و كارثه لانه متحكم فى حاجات كتير اوى و بيقدر يثبتلك حاجات بالأدله الداخليه و الأدله الخارجيه ان هو صح الايجو بيصور للظالم ان هو مظلوم و بيصور شوف كده اكتر واحد ظالم فى الدنيا و قوله انت بتظلم الناس ليه هيقولك مبظلمهمش ده انا باجى على نفسي عشانهم و انا و انا
نفس الحكايه فرعون مثلا لما قال انا مش بظلم انا بس خايف ان هو يضلكم و يخرجكم عن دينكم هو الايجو كده يعنى حتى و هو بيغرق مقالش آمنت بالله قال آمنت برب موسي و هارون فالأيجو كده فظيع او العقل ده اكبر ابتلاء ربنا ابتلانا بيه و انت واحده واحده اما بتبدأ تتحرر بتبتدأ تتحرر من طبقات من العقل فبتدأ مقاومته تقل او بتبدأ سطوته عليك يقل
فالعقل بيصولك ان انت تتمسك بالأحساس او الرغبه و ده واقع من حقى ازعل و اضايق خلاص اضايق و ازعل هى بالبساطه دى انت عايز تكون ايه ؟ هل انت عايز ان انت تكون حزن اكبر و مشاكل اكتر و ضيق اكتر و ظلم اكتر و غضب اكتر عايز تطون ده اكتر ولا لا ؟ هى الحكايه بالبساطه دى
فواحده واحده ابدأ اعرف كده ان عقلك هو الى كون المشكله فطبيعى لما يقولك اتمسك بالاحساس مش هيبقى بيقولك الحل
فأرجو انى اكون وصلتلك الفكره على اد ما اقدر و انك تكون عرفت فعلا ان مافيش مشاكل هى بس ذكريات بتتعاد و تتشغل فى عقلك لان العقل مش اداة حلق العقل اداة تخزين و استرجاع
ف ان شاء الله يكون ربنا قدرنى و وصلتلك الفكره على اد ما اقدر و اشوفك فى تسجيل جديد ان شاء الله
فيصل عبد الواحد
امير نفسك دوت كوم
( التحرر الذكريات و الرغبه)