بسم الله و الصلاة و السلام على سيدنا رسول الله نبدأ
ان شاء الله الأمسية الخاصه بقانون الجذب الأمسية هتبقى عامه زى ما قولتلك قبلكده س - ج و فى ناس بدأت ماشاء الله عشان قولت هبدأ بالترتيب بدأت تعمل حاجه عشان اسمها يبقى فوق بس ان شاء الله ده مش هيأثر هاخد بالتريب الصحيح
هاخد أول سؤال من هدى
سمعانى يا هدى؟
عايز اقول حاجه كمان يا جماعه كلنا نكتب السؤال بتاعنا و نجهزه كده كوبى عشان لما يجى نعمل بست و انتر على طول و منضيعش وقت
سؤال هدى بتقول لو حلمى ظهر لكن فى نقص؟
يعنى انتى فى ايديكى هدف يا هدى و ظهر بس فى نقص فى التفاصيل او الحاجات الى انتى عيزاها ؟ يعنى مثلا شخص او هدف الزواج و ظهر بس مافيش فى المواصفات الكامله ؟ مظبوط ؟ تمام
هنا يا جماعه معناه ان احنا اتحررنا من جزء مهم جدا من الى احنا محتاجين نتحرر منه و الهدف ظهر قدامنا تمام ؟ انا مش عايز ادخل فى التفسير كتير عايز اكون مركز على الحل الى هنعمله فى الحاله دى ايه ؟
فى حالتك دى يا هدى شوفى احساسك ناحية النقص الموجود ده ايه اول حاجه بتقوليها ايه تمام ؟ شوفى اول حاجه بتحسيها ايه و ده بتحررى منه و الى مش عارف يعنى ايه تتحرر يا جماعه ببساطه جدا يعنى لو هنتكلم كلام علمى يعنى تنقية مسارات الطاقه لو كلام خاص بالطاقه و الشكل العملى ان انت تتحرر من الحاجات او المعتقدات الى بتأثر على حقيقتك او الرغبات الى بتأثر على حقيقتك فتستخدمى اى تقنية تحرر انتى عيزاها يا هدى و تتحررى من الى انت ى حساه تجاه النقص ده تمام ؟
ناخد عبد العزيز
طيب ناخد عبدالله لحد ما عبد العزيز يجهز السؤال
التحرر من الأمراض الجلديه ؟
عبدالله سأل سؤال محتاج وقت طويل جدا جدا فى الاجابه لكن هاقولك على حاجه يا عبدالله
بصوا يا جماعه
العلاج العضوى بالذات الطاقه فى ناس كتير يمكن انت تكن قرأت عن الشفاء العضوى و الكلام ده عبدالله بيقول التحرر لعلاج مرض البهاق
بصوا يا جماعه السؤال للعلاج العضوى او اى حاجه خاصه بالعلاج العضوى بالطاقه فهى موضوع طويل جدا و اى نعم هى الخطوات يعنى المباديء واحده الى هو نشوف السبب و نتحرر منه لكن انا بتحفظ جدا ان انا اتكلم عن موضوع العلاج الجسدى ده عشان الناس متجربوش لوحدها لأن احنا بنتكلم عن الجسد اولا و اخيرا
لكن انا هاقولك على حاجه يا عبدالله انا هحدللك .... و يا جماعه منخليش الأسئله النهارده كلها موجه للأمراض الجسديه لأن انا فى الحاجات الجسديه بفضل اشتغل مع الشخص وجها لوجه نتكلم انا و هو بتبقى سيشن طويله اوى كذا سيشن كمان مش عايزك تجرب الحاجات دى مع نفسك لكن عشان بس يا عبدالله متكونش جيت الأمسيه و سؤال متجاوبش عليه البهاق ده خاص بحاجه جواك او جوه الشخص ده ان هو مبقاش زى الاول او فى حاجه كان متمكن منها مبقاش بيقدر يعملها زى الأول دى حاجه
السبب التانى ان يكون راجع ليه المرض ده يكون عدم رغبته فى انه يتلخط بالناس فهو حاجه من الاتنين تمام يا عبدالله
انا الاسئله الجسديه بالذات يا جماعه انا بتحفظ عليها علشان متجرهاش مع نفسك لأن دى مافيش فيها لعب اى حاجه تانيه المال الزواج السفر الحاجات دى كلها بالنسبه ببجسد هينه زى ما بيقولو مافيش لعب فيها او تجربه
ناخد دلوقتى عبد العزيز جهزت السؤال بتاعك ؟
طيب واضح ان عبد العزيز مش معانا
ناخد أحلام
بالترتيب يا جماعه ان شاء الله بالترتيب
أحلام ؟؟
طيب أحلام كمان مش معانا
ناخد أحمد ؟
أحلام سؤالها بتقول مقتنعه انى انا الى جذبت الى مش عاجبنى بس كيف أقدر اغير هذا الشيء ؟
طيب واضح يا احلام انك جديده معانا او لسه مسمعتيش كورس العيديه انتى لو سمعتيه او اى كورس مجانى من الى عملتهم فهاقولك على حاجه طبعا اسمعيه دى اول حاجه هتعمليها عشان فى الجزء الرابع و الخامس بالذات قولت ازاى نقدر نغير الى احنا عايزينه
لكن اجابه دلوقتى أبدأى حددي الى انتى عيزاه و شوفى المعتقدات الى سبب عدم موجوده فى حياتك ايه و اتحررى منها جميل ؟ بالبساطه دى سهله يا احلام
لو انتى هدفك الزواج مثلا اكتبى سيناريو خاص لحياتك و الى بيتكرر معاكى و الى بيحصل و استخلصي من الى كتبتيه او الى لاحظيته المعتقدات الى بتكرر و الى بتحسيه اكتر و ابدأى اتحررى من الحاجات دى و بالأضافه انط تتحررى من الرغبه الخاصه بالهدف تمام
لكن يا احلام انصحك انك تسمعى كورس العيديه من الأول عشان اتكلمت عن الحكايه دى بالتفصيل لان الحاله دى شائعه كتير انا بسمع الكورس و مبستفدش منه ليه لان حاجه من اتنين يا اما شغلت الكورس و منتبهتش له و سبته شغال و بعمل حاجه تانيه
انى سمعت الكورس بأن انا ادور على حل على حل لدرجة ان الكورس عدا عليا و مسمعتش منه حاجه او بقيت اجرى فى الكورس عشان اسمع كلام مهم كل ده مش هيفيدنى و انا هاقولكم على حاجه
كان عندى متدربه خدت كورس طاقة الجذب و ده كورس ضخم جدا و متخم بالمعلومات و كانت اول ما خدته قالتلى استاذ فيصل انا الكورس مأفادتنيش و كل معلومات الى انت قولتها عرفاها و حاسه ان فلوسي راحت عليا فهنا فى طريقه ان الكورس كان بمقابل هى كانت حطه على نفسها الضغط ده قولتلها معنديش اى مشكله و دى كانت ميزه عندها انها سمعت كلامى قولتلها جنبى شعورك ده على جنب و اسمعى الكورس من أول و جديد و اذا انتى لسه عند رأيك هاعملك الى انتى عيزاه ان شاءالله فلما اطمئنت سمعت الكورس بالعقليه الجديده دى مش عايز اقول قالت ايه بس بفضل الله الكورس كأنها كانت بتسمعه لأول مره و حققت الى هى عيزاه و بقت دلوقتى بفضل الله بتشتغل فى مكان عالى جدا و ده كان هدفها اصلا و بفضل الله حققت الى هى عيزاه و يمكن واحده من أفضل الى كانو عندى يعنى
ناخد أحمد ::
أحمد ؟ طريقة المعايشه الصح و الفرق بيناه و بين التحرر؟
لو هنتكلم عن المعايشه انا اتكلمت عنها كتير بس منصحش بيها لكن طريقة المعايشه الصح دى فهى المعايشه الداخليه العمايشه بأحساسك و ان انت الهدف ده معاك دلوقتى لكن انا مبحبش المعايشه و مبنصحش بيها بالعكس بتأخر الهدف الفرق بينها و بين التحرر التحرر أسهل و اسرع فى جذب الى انت عايزه
ناخد أحمد : فى أحمد كتير ما شاء الله ناخد أحمد رقم 3 :
طيب ناخد أحمد رقم 4 - أحمد - 1
واضح ان أحمد النهارده مافيش حد فيهم معانا خالص لا احمد معانا
تتحدث دائما ان جذب الاهداف جزء بسيط من قانون الجذب ماهى الجوانب الأخرى ؟ ده سؤال جميل جدا يا أحمد من جهه اخرى اشعر بالكره تجاه عملى ؟
لا سؤال واحد بس اختار سؤال فيهم معلش يا جماعه احنا عدد كبير جدا زى ما احنا شايفين اختار واحد فيهم
السؤال الأول
زى ما احمد قال النقطه دى قولتها من زمان يمكن من 4 سنين او اكتر خمس سنين كمان قانون الجذب الى اتدرب منه ان هو لتحقيق الأهداف جميل؟ و ده جزء صغير لقانون الجذب و كمان اتدرب منه كده انه عشان تحقق الأهداف او قانون الجذب هو بس المعايشه فلى حصل ان هو جزء اتاخد من جزء يعنى كأن كده كيكه اتقطعت 10 أجزاء و جبت جزء منها قطعته 10 أجزاء و جبت جزء صغير منها و اديتها لواحد و قولتله هى دى الكيكه
اجابة على سؤال بقى يا أحمد الجوانب الاخرى التانيه لقانون الجذب ببساطه جدا هو الأجابه هتكون عامه بس صدقنى فيها كل التافاصيل و ارجو انك تعيها زى ما انا عايز اوصلهالك الجوانب التانيه هى كل حاجه فى الحياه و الترابط الموجود فى الحياه قانون الجذب ان الأشباه الى زى بعضها تتجاذب مش شرط الأهداف الأفكار و الحاجات الى ليها كتله و ملهاش كتله اى شيء مش شرط الأهداف بالعكس فى حاجات اعمق من كده بكتير بس الكلام ده اذا قولته دلوقتى ناس كتير مش هتعيه و ناس كتير هتقول اى كلام و زى ما اتعلمنا فى دينا حتى خاطبوا الناس على قدر عقولهم و سيدنا أنس ابن مالك على ما اذكر اذا قال اذا انت حدثت الناس بما لم يعوا افتتنوا
فببساطه جدا فى أجزاء اعمق من كده بكتير لكن الأجابه العامه الحياه كلها على قانون الجذب ده ان الاشباه او التعامل ( التعامل هو قانون الجذب ) بين الناس و التفاعل بين الأشياء
ناخد آلاء او علاء : ؟
أبغى اتطور فى حياتى بس ما أعرف ايش ابغى بالظبط مثلا فى ناحية العمل ما اعرف ايش ابغى ؟
طيب دى حاجه خاصه بيكى يا آلاء لو انتى مش شايفه او مش عارفه انتى عايزه ايه و متخليش الأيجو بتاعك يحكم عليكى لأن لما بنسأل السؤال ده لنفسنا ديما الأيجو يجيب الحاجه الى فيها فلوس او منفعه لكن جاوبى بصدق ايه اكتر حاجه اذا انت عملتها سواء دلوقتى او استمريت فى عملها بعد سنه او عشر سنين هبقى بحب اعملها لأن فى مثلا واحد ممكن يقول اما اسأله السؤال ده اول حاجه بتيجى على باله عشان يحقق بيها الأمان المادى او وهم الامان المادى او يعمل منها فلوس و يقول كمان 10 او 20 سنه اما اكبر و احقق فلوس ابقى اعمل الحلم ده يعنى ممكن شخص حلمه انه يفتح شركه ديكور مثلا لكن دلوقتى شايف انه مش قادر فيجاوب على السؤال ده ان هو الحاجه الى عايزها او بيحبها وظيفه وخلاص و يأجل حلمه ده كمان 20 سنه لما يكون عنده فلوس يفتح الشركه دى لذلك عايزك تتجنبى الأيجو على اد ما تقدرى ايه الحاجه الى عملتها دلوقتى او بعد 10 سنين هتبقى حابه نفسك و حباها وانتى بتعمليها بس ده الى هيبدأ يديكى اول خيط و بعد كده تحددى الطريقه الى حابه تستخدميها سوا االتحرر او اى كان
ناخد علياء : ؟
طيب علياء غالبا مش معانا
ناخد أمانى :؟
طيب علياء اكتبى سؤالك على ما ناخد سؤال أمانى
سيدونا تتعبنى عندما اتحرر بها خصوصا اذا مشكله صعبه لا اجد لها حل و اشعر مشاعرى تزداد او تبقى كما هى و اذا ارتاحت قليلا و اتعب مره اخرى مع العلم اننى اشعر بالمشاعر نفسها ما هو الحل ؟
جميل جدا السؤال يا امانى و دى مشكله يا جماعه مع طريقة استيعاب سيدونا
سيدونا مش بعملها عشان اشوف حل بالعكس من أول خطوات الى انا بتحرر منها اصلا يا امانى هى رغبتى فى الحل نفهم الكلمه دى كويس يا جماعه من أول الخطوات الى نبدأ منها اصلا هى رغبتى انى اتحرر من الحل لأن 99% المشكله بتبقى فى الرغبه فى الحل مش فى المشكله نفسها
فلى عايز اقولك عليه هنا يا امانى استخدمى الترحيب بس و استخدميه على رغبتك فى حل المشكله تمام بعد كده هتلاقى شعورك ناحية المشكله اختفى تمام
نرجع لعلياء فين سؤالك يا علياء ؟
التجلى للأهداف ؟
ايه الى عايزه تعرفيه عن التجلى للأهداف ؟
حاجات مشابهه للهدف الأصلى ؟
السؤال ده اتسألته و قولته يا عليان من شويه اولا يا جماعه بس هختار نقطه من سؤالك يا عليا و السؤال ده جاوبته على عبدالله على ما أذكر جزئيه التجلى يا جماعه والله التقدير و الاحترام لكل المدربين و كل الأسماء بدون ذكر أسماء و انا بحبهم جدا لكن مافيش حاجه اسمها قانون تجلى هنهرب من الواقع و الشخص الأجنبى الى اتكلم على الحكايه دى عملها و عمل حاجه اسمها 13 قانون للنجاح و كان منهم قانون التجلى و انا والله مش عايز اظلم حد قد اكون انا مخطيء اولا و اخيرا لكن هى الحكايه تسويق مافيش حاجه اسمها قانون تجلى فى حاجه اسمها تردد جوايا بتجذب الحاجه الى زيها هبدأ اشغل نفسي ان فى قانون تجلى و هبدأ اشغل نفسي ان فى قانون وفره و هبدأ اشغل نفسي ان فى معايشه الحكايه والله مش بالتعقيد ده
الحكايه ان انا فى حاجه بتحص حواليا يبقى فى معتقدات مسؤله عنها اتحرر من المعتقدات دى و أكيد هبدأ اشوف تغيير طيب انا يا فيصل اتحررت و مشوفتش تغيير يبقى انت لسه فى جواك رغبه متحررتش منها
بص خدها قاعده طالما جه فى بالك سؤال انا اتحررت و مشوفتش تغيير يبقى انت لسه فى جواك معاناه او رغبه متحررتش منها او جواك تمسك بالموقف المهم ان فى حاجه محتاج تتحرر عليها اكتر و مش معنى كده انك متحررتش معنى كده ان فى طبقه جديده طلعت عايزه انك تشتغل عليها كمان بس مافيش حاجه اسمها قانون تجلى يا جماعه التجلى ده ظاهره يعنى مش قانون ظاهره من ظواهر قانون الجذب انما مش قانون بحد ذاته يعنى
ناخد أمانى :؟
لأ سورى ناخد آمنه :؟
الشكر لله يا علياء
آمنه ؟
ناخد عمرو على ما أمينه سورى تكتب السؤال
ضغط الشغل كبير عليا حتى لما بخرج من الشغل بقعد افكر فى مشاكل الشغل و مش قادر اركز على حياتى الشخصيه عشان كده ؟
رقم 1 يا عمرو رغبتك فى التعامل مع المشكله دى الى بيجيب الأمر فى دماغك على طول هى رغبتك فى التعامل معاه فأول حاجه تتحرر منها هى رغبتك فى التعامل مع الأمر ده ضغط الشغل ده رغبتك فى تغييره
تانى حاجه بقى شعورك ناحية ضغط الشغل معايا ؟ معايا يا عمرو ؟