بسم الله و الصلاة و السلام على سيدنا رسول الله
ازيك و مره تانيه مع تسجيلات او فيدوهات خاصه
فيصل عبد الواحد معاك و عايز ابدأ اتكلم عن حاجات مافهيم منتشره اوى بشكل معقد و بشكل كبير لكن بفضل ربنا عايز اتكلم عليها ببساطه و ديما بقول الى شاف غير الى سمع فرق انك تشوف حاجه بنفسك و انك تسمعها من الناس او تقرأ عنها فى اساطير او قصص او فى كتب
فلى هتكلم عنه النهارده ببساطه حاجه صغيره اوى و مشعايز اطول التسجيل حاجه كتير بنسمع عنها اسمها الين و اليانج او الصوره المشهوره بتاعه التسجيل او الفيديو الى هى الطاقه السوداء او الطاقه البيضاء و بنشوفها حتى فى بعض الثقافات تنين بيطارد تنين و ببساطه جدا الحكايه دى جت من فكرة او من حقيقه ربنا حطها فى كل الأنفس البشريه زى ما قال فى الآيه القرآنيه " و نفس و ما سواها فألهمها فجورها و تقواها "
الحكايه ببساطه ان ربنا خلى فيك توازن لو كان عايز كان خلى فيك خير بس او شر بس لكن كل الأنفس الى ربنا خلقها بداية من و مش عايز اطول فى حتة الخلق دى بس من بداية سيدنا آدم لغايه آخر نفس تخلق بأذن الله كلها فيها التوازن و انا مش بحب اسمى الموضوع شر بحب اسميه البقاء او الرغبه فى البقاء بمعنى اذا انت كنت خير فقط او ربنا حط جواك التقوى فقط او الخير فقط بالمناسبه الكلام ده لكل الناس مش المسلمين بس حتى الآيه واضحه " ونفس و ما سواها " ماقلش ونفس مسلمه
فلو ربنا حط فيك نوع معين الخير بس ده هيخليك مش قادر تعيش فى الدنيا عشان كده بحب اسمى النوع الثانى او الى بيخلى فى توازن مش بسميها شر بسميها البقاء و لو ماكنش رغبتك فى البقاء مش موجوده و كان فى خير بس هتبقى عايز تبتعد عن كل الشبهات و الفتن و تفضل تبتعد عشان انت حد بيحب الخير فقط و تقعد لوحدك و فى مكان تنعزل عن الناس و على فكره ده بعض الطوائف من الناس فى التاريخ بدون ذكر اسماء الطوائف دى بدأو ينعزلو عن الناس و ياخدوا جنب و الكلام ده
و الناحيه الثانيه الرغبه فى البقاء اذا كانت موجوده لوحدها بدون تقوى او خير هتتحول بعد كده للى ممكن نسميه ل انا بس او انا الأول او الانانيه او انا عايز دى و ماليش دعوه بغيرى و هتبقى بعد كده شر و كوارث و مشاكل فالبقاء لوحدها او الرغبه فى البقاء لوحدها متنفعش و الخير لوحده مينفعش و مش معنى كده بقولك ابقى شرير و مش معنى كده بقولك ابقى حد بيور 100% هو الموضوع توازن
حبيت بس اتكلم عن الحته دى عشان الناس تفهم اصل الحكايه دى جاى من ايه جاى من ناس تفكرت فى نفسها لقيت ان فيها التوازن ده بين حب الخير او التقوى و بين الرغبه فى البقاء او الى الناس سموه غلط بعد كده لما بيزيد عن حده بيبقى شر فلازم التقوى و الرغبه فى البقاء دى بتوازن دى و دى بتوازن دى عشان توصل للتوازن الطبيعى بعد كده الى الصوره بتعبر عنه
كنت ناوى التسجيل ميعديش عن دقيقتين و ما شاء الله عدا اربع دقائق و داخل فى الخامسه حبيت اتكلم عن الموضوع ده بأختصار و ببساطه عشان نفهم ان الموضوع بسيط و مش لازم تدرس حاجات كتير اوى عشان تعرف ان انت فيك الحاجتين دول
متلومش نفسك فى ان انت عندك رغبه فى البقاء و رغبه انك تعيش متلوميش نفسك انك حد كويس و مبتحبيش تضرى الناس هو توازن
وازن ما بين التوازن ده و زى ما ربنا قال " نفس و ما سواها فألهمها فجورها و تقواها " و الآيه الثانيه سبحان الله " و هديناه النجدين " ده موجود و ده موجود خلى بس ان انت عايز توصل للتوازن المثالى ان شاء الله
اشوفك فى تسجيل جديد
فيصل عبد الواحد